هه‌ڵوێستی سه‌رۆكی په‌رله‌مان له‌باره‌ی هه‌ڵبژاردنی پێشوه‌خته
10:06 - 01/08/2020
"زەمەن"
دوێنێ، مسته‌فا كازمی واده‌ی هه‌ڵبژانی پێشوه‌خته‌ی له عێراق دیاری كرد و
سه‌رۆكی په‌رله‌مانی عێراقیش داوای كۆبوونەوەی به‌په‌له نائاسایی پەڕلەمان دەكات.
مستەفا كازمی، سەرۆك وەزیرانی عیراق دوێنێ هه‌ینی، بڕیاریدا لە ڕۆژی 6-6-2021 هەڵبژاردنی
پێشوەختە لە عیراق ئەنجام بدرێت.
له‌به‌رامبه‌ر دیارییكردنی ئه‌و رۆژه بۆ هه‌ڵبژاردنی پێشوه‌خته، محەمەد حەلبوسی،
سەرۆكی پەڕلەمانی عیراق له تویتێكدا ده‌ڵێت، پێویستە كۆبوونەوەی نائاسایی و كراوە
بە ئامادەبوونی سەرۆكایەتییەكان ئەنجام بدرێت بۆ گفتوگۆ كردن لەسەر هەڵبژاردنی پێشوەختە
و هەڵوەشاندنەوەی پەڕلەمان.
حه‌لبوسی ئاماژه‌ی به‌وه‌شكردووه، له پێناو عێراق و قوربانیدانی رۆڵه‌كانی
داوای هه‌ڵبژاردنێكی پێشوه‌خته ده‌كه‌ین، بۆ ئه‌مه‌ش كۆبوونه‌وه‌یه‌كی كراوه‌و به‌په‌له‌ی
نوێنه‌ران، به ئاماده‌بوونی سه‌رۆكایه‌تییه‌كان و هێزه سیاسییه‌كان رێك ده‌خه‌یه‌ن،
له‌پێناو گرتنه‌به‌ری رێكاره یاساییه‌كان به گوێره‌ی ماده‌ی 64ی ده‌ستوور، كه
تاكه رێگه‌ی ئه‌نجامدانی هه‌ڵبژاردنی پێشوه‌خه‌ته‌یه.
