٣١ کەس لە کەربەلا بەهۆی بوون بەژێر قاچەوە گیانیانلەدەستدا
05:23 - 10/09/2019
130 جار خوێندراوەتەوە
"زەمەن"
لە ڕێوڕەسمی
بەڕێوەچوونی عاشوردا لە کەربەلا بەهۆی ڕووخانی ڕێرەوێکی پیادەڕەوەوە ٣١ کەس لە
کەربەلا گیانیان لە دەستدا و ٩٦ کەسی دیکە برینداربوون.
لەسەر ڕووداوەکە وتەبێژی تەندرووستی عێراق
ڕایگەیاند، "لە رووداوەکەی 31 کەس گیانیان لەدەستدا و 100 کەسی دیکەش
برینداربوون، کە رەوشی تەندروستیی 10 کەسیان خراپە".
هۆکاری ئەم ڕووداوە بۆ
قەرەباڵخی و پاڵنان و زۆری گەشتیارە ئاینییەکان دەگەڕێتەوە لە شاری کەربەلا.
ساڵانە لە ١٠ی موحەرەمدا شیعەمەزهەبەکان بە چەندین شێوازی جۆراوجۆر
شینگێڕی بۆ ئیمامی سێیەمی خۆیان دەکەن و بەشێکیان بە زنجیر و دەست بە سەر و سنگی
خۆیاندا دەدەن و جلی ڕەش لەبەر دەکەن.