بەپەلە.. ترەمپ دانی بەشکستا نا
04:36 - 16/06/2026
زەمەن:-
ترەمپ لە نوێترین لێدوانیدا ڕایگەیاند: ئامانجمان
ئەوەیە ئێران نەبێتە خاوەنی چەکی ئەتۆمی.
ئەمڕۆ سێشەممە، ١٦ی حوزەیرانی ٢٠٢٦، دۆناڵد ترەمپ
لەبارەی رێککەوتنی تاران و واشنتن، ئاماژەی بەوەدا، رێککەوتنەکەمان رێگری لە بەرنامە
ئەتۆمییەکەی ئێران دەکات و ئامانجمان ئەوەیە ئێران نەبێتە خاوەنی چەکی ئەتۆمی.
دەشڵێت: ئەگەر ئێران هەوڵی دروستکردنی چەکی ئەتۆمی
بدات، دەرگای دۆزەخی بۆ دەکرێتەوە.
ترەمپ
ڕاشیگەیاند: هەوڵ هەبوو بۆ گۆڕینی رژێمی ئێران، بەڵام
سەرکەوتوو نەبوو،
دەشڵێت:بە ئیسرائیلم وتووە بابەتی حزبوڵا بۆ
سوریا جێبهێڵێت.
لەوبارەیەوە
باسی لەوەکرد، ئەحمەد شەرع بەشێوەیەکی سەرنجڕاکێش کارەکانی
ئەنجامدەدات.
لەبارەی هێرشەکانی ئیسرائیل بۆسەر لوبنان،
ترەمپ دەڵێت: لە هێرشەکانی ئیسرائیل بۆ سەر لوبنان نیگەران بووم و ئەگەر
من نەبوومایە ئیسرائیل لەناودەچوو.