بزوتنەوەی گۆڕان : بەپێی یاسا، دانا ئەحمەد مەجید نەک ڕێکخەر بەڵکو ئەندام و هەڵسوڕاوی گۆڕانیش نیە
02:07 - 07/06/2026
زەمەن_هەواڵ
دەقی راگەیەنراو:
بۆ /سەرجەم دەزگاکانی
ڕاگەیاندن
بابەت /ڕونکردنەوە
دەرکەوتنی بەڕێز
دانا ئەحمەد مەجید لەژێر ناوی ڕێکخەری گشتی بزوتنەوەی گۆڕان_دا بەپێی یاسا تاوانی
خۆناساندن بەسیفاتێکی تر(انتحال الصفة)یە،
ڕاستە بەڕێزیان لەهەوڵی بێ بنەمادایە بۆ گەیشتن بەو پۆستە، لەکاتێکدا ڕێگری سەرەکی
بوە لەنە گەیشتنی هەردوو بەرەکەی گۆڕانخوازان بەیەکگرتنەوە، سەرەڕای بونی بڕیارێکی
(الهيئة القضائية للانتخبات) لەحکومەتی فیدراڵی
بەنوسراوی فەرمی ژمارە(١٣)لە (٢٠٢٦/٤/٢٣) بڕیاری داوە کەناوبراو ئەندامی ئەو حیزبە
نیەو ناوی لەلیستی دەستەی گشتی (هيئة العامة)ی گۆڕاندا نیە، بەنایاسایی نادەستوری
ناوی تۆمار کراوە.
هەروەک چۆن بڕیای
دادگای تاوانی سلێمانی /١بەژمارە(٤٣٠/ج/٢٠١٢)لە (٢٠٢٤/٧/٢٤) بەڕونی دەڵێ کەئەو بەڕێزە
بڕیاری شەش ساڵ زیندانی بەسەردا سەپێندراوە بەتاوانی بەهەدەردانی سامانی دەوڵەت، بەپێی
مادەی (٣٤٠لەیاسای سزادانی عێراقی)، ئەم تاوانە لەکاتێکدا گەر لێبوردنێکیشی بۆ
داتاشرابێ ڕێگا نادات بکەری تاوانی لەم جۆرە لە پلەی باڵای حیزبی و حوکمی و پەرلەمانی
کار بکات و پۆست وەربگرێت.
بۆیە ئێمە وەکو
ئەندامانی دەستەی گشتی (هيئةالعامة)ی بزوتنەوەی گۆڕان بە بەڕێزتانی ڕادەگەیەنین؛ کە
لە کاتی ئێستادا بزووتنەوەی گۆڕان بە هەردوو بەرەکەیەوە بە پێی یاسا ڕێکخەری گشتی
نییە هەر لایەن و دامەزراوەیەک بەو سیفاتە مامەڵە لەگەڵ( دانا ئەحمەد مەجید)بکات، ڕاستی
و یاسا ناسی خۆی دەخاتە ژێر پرسیارەوە لە کایە ڕێخراوەی و سیاسی و یاساییەکاندا.
لەگەڵ ڕێزدا:
هاوپێچ:
بڕیاری دەستەی
دادوەری بۆ هەڵبژاردنەکان ( هیئة القضائیة للاینتیخابات)
بریاری دادگای تاوانی سلێمانی /١ بە ژمارە
(٤٣٠/ج/٢٠١٢)لە (٢٠٢٤/٧/٢٤).
بزوتنەوەی گۆڕان
گردی زەرگەتە
7ی6ی 2026