شاندی ئیمراڵی دەم پارتی لەگەڵ ئۆجالان کۆبوونەوە
10:54 - 28/08/2025
زەمەن پرێس:
شاندی دەم پارتى چوونە
ئیمرالی و لەگەڵ عەبدوڵا ئۆجالان کۆبوونەوە و گفتوگۆیان لەسەر دوایین
گۆڕانکارییەکانى پڕۆسەی ئاشتى کردوە.
ئەمڕۆ پەرلەمانتاری پارتی
یەکسانی و دیموکراسیی گەلان (دەم پارتی) پەروین بوڵدان، پەرلەمانتاری ڕحا میدحەت
سانجار و پارێزەری نووسینگەی یاسایی سەدە فایەق ئۆزگور ئەرۆل، وەک شاندی ئیمراڵیی
دەم پارتی دیداریان لەگەڵ ئۆجالاندا ئەنجامدا.
شاندەکە دوای
گەڕانەوەیان هیچ ڕاگەیەندراوێکیان بڵاونەکردەوە، بڕیارە لە کاتەکانى داهاتوو
راگەیەندراوێک سەبارەت بەو دیدارە بڵاوبکاتەوە.
ئەمە یەکەمین
کۆبوونەوەى شاندی دەمپارتییە لە دوای پێکهێنانی کۆمسیۆنەکەى پەرلەمانى تورکیا بۆ
لای عەبدوڵا ئۆجالان و ناوەڕۆکی کۆبوونەوەکانى کۆمسیۆن بەشێک بووە لە ناوەڕۆکی
دیدارەکەی ئیمرالی.
شاندی ئیمراڵی کە لە
سری سورەیا ئۆندەر و پەروین بوڵدان پێکدەهات، بۆ یەکەمجار لە ٢٨ـی کانوونی یەکەمی
٢٠٢٤ لەگەڵ ئۆجالان دیداریان ئەنجامدا. دیداری دووەمی شاندەکە لە ٢٢ـی کانوونی
دووەم پێکهات.
لە ٢١ـی نیسان
شاندەکە چوونەوە ئیمرالی و لە ١٨ـی ئایار دیدارێکی نوێیان لەگەڵ عەبدوڵا ئۆجالان
ئەنجامدا، هەروەها لە ٦ـی تەمموز چوونە ئیمراڵی و دیداریان ئەنجامدا، دواجار شاندی
ئیمراڵی لە ٢٥ـی تەمموز چوونە دوورگەی ئیمراڵی و دیداریان ئەنجامدا، دوا
سەردانیشیان ئەمڕۆ بوو.