بافڵ تاڵەبانی: هەوڵەکانمان بۆ سەرخستنی پڕۆسەی ئاشتی چڕ دەکەینەوە
10:45 - 28/08/2025
زەمەن پرێس:
بافڵ تاڵەبانی سەرۆکی یەکێتی، لەگەڵ
شاندێکی دەمپارتی بە سەرۆکایەتی تونجەر باقرخان هاوسەرۆکی گشتیی دەم پارتی
کۆبووەوە، لە کۆبوونەوەکەدا بافڵ تاڵەبانی ئاماژەی بە گرنگی پڕۆسەی ئاشتی کرد و
وتی: هەوڵەکانمان بۆ سەرخستنی ئەم پڕۆسەیە چڕدەکەینەوە.
بەگوێرەی ڕاگەیاندراوێکی نووسینگەی
ڕاگەیاندنی سەرۆکی یەنەکە، ئەمڕۆ بافڵ تاڵەبانی، سەرۆکی یەکێتیی نیشتمانیی
کوردستان، لە بارەگای مەکتەبی سیاسی لە سلێمانی پێشوازی لە شاندێکی باڵای پارتی
یەکسانیی و دیموکراسیی گەلان (دەم پارتی) کرد، کە پێکهاتبوون لە تونجەر باقرخان،
هاوسەرۆکی دەم پارتی، چیدەم کلچگون ئوچار، هاوسەرۆکی پارتی هەرێمە دیموکراتییەکان،
جەنگیز چاندار و بەردان ئوزتورک، پەرلەمانتارانی دەم پارتی.
بەگوێرەی ڕاگەیاندراوەکە، لە دیدارەکەدا
جەخت لە هەماهەنگی و بەرەوپێشچوونی پەیوەندییەکانی نێوان یەکێتیی نیشتمانیی
کوردستان و دەم پارتی کرایەوە.
بافڵ تاڵەبانی ئاماژەی بە گرنگی پرۆسەی
ئاشتی لە باکووری کوردستان و تورکیا کرد و وتی: ئێمە پابەندین بە ڕێبازی سەرۆک مام
جەلال بۆ بەرەوپێشبردنی برایەتی و هەوڵەکانمان بۆ سەرخستنی ئەم پڕۆسەیە
چڕدەکەینەوە، چونکە ئەمە خزمەت بە بەرژەوەندییەکانی تەواوی گەلانی ناوچەکە دەکات.
کردنەوەی فڕۆکەخانەی نێودەوڵەتیی سلێمانی
تەوەرێکی دیکەی کۆبوونەوەکە بوو، شاندی دەم پارتی هیوایان خواست لە زووترین کاتدا
فڕۆکەخانەکە بکرێتەوە.