لە زیندانەکانی لیبیاوە ٢٥ کۆچبەر دەگەڕێنرێنەوە بۆ هەرێم
07:55 - 24/08/2025
زەمەن پرێس:
٢٥کۆچبەری خەڵکی هەرێمی کوردستان لەلایەن باڵیۆزخانەی عێراق لە لیبیاوە،
لە زیندان ئازاد کراون و دەگەڕێندرێنەوە بۆ هەرێمی کوردستان.
ئەحمەد سەحاف،
بەرپرسی باڵیۆزخانەی عێراق لە لیبیا ڕایگەیاند: سۆراغی ٢٥ کۆچبەری کوردی خەڵکی
هەرێمی کوردستانمان کرد و توانیمان بیاندۆزینەوە و لەلای ئێمە پارێزراون، بەم
نزیکانە مامەڵەکانی ڕەوانەکردنەوەیان بۆ هەرێمی کوردستان تەواو دەکرێت.
ئەحمەد
سەحاف ئاماژەى بەوەشکردوە، ئەو کۆچبەرانە خەڵکی شارۆچکەی ڕانیەی ناوەندی ئیدارەی
ڕاپەڕینن، لە پارێزگای سلێمانی و لە ڕووبەڕووبوونەوەی کۆچی نایاسایی لیبیادا
سۆراخیان کردوون”.
سەحاف روونیکردەوە،
لەگەڵ بەڕێوەبەرایەتیی کۆچی نایاسایی لە ڕۆژهەڵاتی لیبیا توانیویانە ئەو کۆچبەرانە
ئازاد بکەن، هەموویان خەڵکی هەرێمی کوردستانن و خەڵکی سنووری پارێزگای سلێمانین و
نیشتەجێی ڕانیەن.