پلەی گەرما دەگاتە 49 پلە
02:23 - 13/07/2025
زەمەن _ هەرێمی کوردستان
كەشناسی رایگەیاند، ئاسمان بەگشتى ساماڵ و پەڵە هەور و گەرم دەبێت و لە ناوچەكانی كەركوك و گەرمیانیش پلەكانی گەرما دەگاتە 49 پلەی سیلیزی.
ئەمڕۆ ١٣ی تەمووزی ٢٠٢٥، بەڕێوەبەرایەتی گشتی كەشناسی و بومەلەرزەزانی هەرێم کەشی ٤٨ کاتژمێری بڵاوکردەوە و دەڵێت: ئەمڕۆ ئاسمان بەگشتى ساماڵ و پەڵە هەور و گەرم دەبێت، پاشان دەگۆڕێت بۆ نیمچە هەور لە هەندێ ناوچە و پلەکانی گەرما نزیک دەبێتەوە لە تۆمارکراوەکانی دوێنێ و لە ناوچەكانی كەركوك و گەرمیانیش پلەكانی گەرما دەگاتە ٤٩ پلەی سیلیزی و حاجی ئۆمەرانیش بە 32 پلە فێنكترین ناوچەی كوردستانە.
ئاماژەی بەوەشكرد، سبەى دوشەممە ئاسمان ساماڵ و گەرم دەبێت و پلەکانی گەرما نزیک دەبێتەوە لە تۆمارکراوەکانی ئەمرۆ، هەروەها خێراى با لەنێوان (١٠ بۆ ١٥) كیلۆمەتر دەبێت لە كاتژمێرێكدا.
بەرزترین پلەکانی گەرمای پێشبینیکراو بە پلەی سیلیزی:
هەولێر : 46 پلەی سیلیزی
سلێمانی : 44 پلەی سیلیزی
دهۆک : 44 پلەی سیلیزی
کەرکوک : 49 پلەی سیلیزی
زاخۆ : 45 پلەی سیلیزی
هەڵەبجە : 45 پلەی سیلیزی
سۆران : 44 پلەی سیلیزی
حاجی ئۆمەران : 32 پلەی سیلیزی
گەرمیان :49 پلەی سیلیزی