بەپەلە.. ڕاگەیاندراوێک لە مەکتەبی سیاسیی پارتی دیموکراتی کوردستانەوە
03:21 - 29/05/2025
زەمەن _ هەرێمی کوردستان
پارتی دیموکراتی کوردستان ڕاگەیەندراوێکی بەپەلەی بڵاوکردەوە و دەڵێت: نووسراوەکەی دوێنێی وەزارەتی دارایی، دژی دەستوور و بنەماکانی ڕێککەوتنی پێکهێنانی حکومەتە.
دەقی ڕاگەیەندراوەکەی پارتی دیموکراتی کوردستان:
ڕای گشتی عێراق و هەرێمی کوردستان ئاگادار دەکەینەوە کە حکومەتی فیدراڵی بەردەوامە لە پێشێلکردنی مافە دەستوورییەکانی هەرێمی کوردستان و دوا پێشلکاریشی نووسراوەکەی دوێنێی وەزارەتی داراییە کە دژی دەستوور و بنەماکانی ڕێککەوتنی پێکهێنانی حکومەتە و بە سیاسی کردنی قوتی خەڵکە، ئەم بابەتە لە کۆبوونەوەی داهاتووی کۆمیتەی ناوەندیی پارتیمان لە ٢/ ٦/ ٢٠٢٥ دەخەینە بەرباس و بڕیاروەرگرتن و ئەگەر تا پێش جەژنی پیرۆزی قوربان ماف و شایستە داراییەکانی خەڵکی هەرێمی کوردستان ڕەوانە نەکرێت هەڵوێستی جدیمان دەبێت و ڕایدەگەیەنین.
مەکتەبی سیاسیی پارتی دیموکراتی کوردستان
٢٩ـی ٥ـی ٢٠٢٥