هەواڵێکی خۆش لە داراییەوە سەبارەت بە مووچە
04:07 - 20/05/2025
زەمەن _ ئابووری
ئەندامێکی لیژنەی دارایی پەرلەمانی عێراق ئاشکرایدەکات، هیچ مەترسیەک لەسەر مووچە نییە و دۆخەکە لەژێر کۆنترۆڵدایە.
ئەمڕۆ سێشەممە، ٢٠ی ئایاری ٢٠٢٥، حسێن موئەنەس، ئەندامێکی لیژنەی دارایی لە پەرلەمانی عێراق ڕایگەیاند: دۆخەکە جێگەی نیگەرانی نییە و پرسی موچەش هیچ كێشەیەك بەخۆوە نابینێت، حکومەتی عێراق چەند بژاردەیەکی لە بەردەمدایە و توانای تێپەڕاندنی هەر قەیرانێکی ئێستای هەیە.
لەبارەی دابەزینی نرخی نەوت باسی لەوەشکرد، هێشتنەوەی نرخی بەرمیلێک نەوت بە ٧٠ دۆلار لە بودجەدا کاریگەرییەکی نەرێنی لەسەر بودجەی عێراق دەبێت و پێویستە بە پشبەستن بە پشپۆڕان دەستکاری نرخی نەوت بکرێت لە بودجەدا.
ئەوەش لە کاتێکدایە، پێشتر چەند دەنگۆیەک بڵاوبوونەوە کە دابەزینی نرخی نەوت کاریگەری لەسەر دابینکردنی مووچەی فەرمانبەران لە عێراق دەکات.