مووچەى بەشێک لە خانەنشین و کەمئەندامانى سەنگەر رادەگیرێت
09:03 - 20/05/2025
زەمەن - کوردستانى
مووچەى بەشێک لە خانەنشین و کەمئەندامانى سەنگەر و پەککەوتووانى شەڕى داعش ماوەى مانگێکە راگیراوە، بەرپرسێک لە وەزارەتى دارایى دەڵێت، هۆکارەکەى گواستنەوەی دۆسییەکانیانە بۆ سەر وەزارەتی دارایی و بەڕێوەبەرایەتیی گشتیی خانەنشینی.
حاجی مەلا ئەمین، بەڕێوەبەری گشتیی خانەنشینی و كەمئەندامان لە وەزارەتی پێشمەرگە لەوبارەیەوە رایگەیاند، چاوەڕێین یەکەکانی 70 و 80 دۆسیەی هەموو مووچەخۆرانیان بۆ بنێرن، بۆ ئەوەی ناوی ئەوانیش لە سیستمی پەیڕۆل داخڵ بکەن.
هەروەها راشیگەیاندووە، تاوەکو ئێستاش مامەڵەی هەزاران مووچەخۆر تەواوکراون و دۆسیەیان گواستراوەتەوە، بەشێکیشیان لە قۆناغی گواستنەوەدان، بەهۆی پرۆسەکە ماوەیەک مووچەی بەشێکی ئەو مووچەخۆرانە دوا دەکەوێت، بەڵام نافەوتێت، هەر مانگێک مووچەیان بۆ بەسترا، مووچەی سەرجەم مانگەکانی دیکەش بەیەکەوە وەردەگرن.