نرخى تەماتە هەرزان دەبێت
08:30 - 06/11/2024
زەمەن - کوردستانى
وەزیری کشتوکاڵ و سەرچاوەکانی ئاوی حکومەتی هەرێمی کوردستان بڵاویكردەوە: باج و قەدەغەی هاوردەکردنی تەماتە لە دەرەوەی هەرێمی کوردستان هەڵگیراوە.
بێگەرد تاڵەبانی، وەزیری کشتوکاڵ و سەرچاوەکانی ئاوی حکومەتی هەرێمی کوردستان رایگەیاند: لە پێناو بەرژەوەندیی گشتی و هەرزانكردنی نرخەكەی بڕیار درا بە هەڵگرتنی باج و قەدەغەی هاوردەکردنی بەرهەمی تەماتە لە دەرەوەی هەرێمی کوردستان.
دەشڵێت: دوای بەدواداچون بۆ بەروبومی تەماتە لەبازاڕەكاندا، بۆ دەرکەوت کە ئەم بەرهەمەكە لە بازاڕەکانی هەرێم کەم بوەتەوە و بەشی پێویستی هاوڵاتیان ناکات و نرخی بەرزبوەتەوە، بۆیە لەپێناو بەرژەوەندیی گشتی و پاڵپشت بە یاسای پاراستن و پێشخستنی بەروبومی کشتوکاڵی بڕیارەكەدراوە.
وەزیری کشتوکاڵی هەرێم ئاماژەی بۆ ئەوەشكردوە، بۆ ئەو مەبەستە سەرجەم لایەنە فەرمیەکان ئاگادار کراونەتەوە بۆ وەرگرتنی ڕێکاری پێویستی کارگێڕی و یاسایی بە هاوردەكردنی تەماتە.