تاپۆکردنى ئەو زەوییانەى بەسەر فەرمانبەراندا دابەشکران دەستیپێکرد
06:47 - 04/11/2024
زەمەن - کوردستانى
لە هەولێر داوا لەو فەرمانبەرانە دەکرێت کە زەوییان پێدراوە، دەست بە تاپۆکردنیان بکەن.
بەگوێرەى زانیارییەکان، لە سنورى پارێزگاى هەولێر پێنج هەزار پارچە زەوى بەسەر فەرمانبەراندا دابەشکراوە کە رووبەرى هەر زەوییەکیان 200 مەترە و دەکەونە باکورى شارى هەولێر، ئێستا داوا لەو فەرمانبەرانە دەکرێت دەست بکەن بە تاپۆکردنى زەوییەکانیان.
هەر بەگوێرەى زانیارییەکان، ئەو پێنج هەزار پارچە زەوییەى لە سنورى پارێزگاى هەولێر دابەشکراون قۆناغى یەکەمە و لەچەند رۆژى داهاتوودا تیروپشک بۆ قۆناغى دووەمیش دەکرێت و بڕیارە 70 هەزار کەس لە وەرگرتنى زەوى لە پارێزگاى هەولێر سوودمەندبن.