راوێژکارێکی سودانی: داهاتی نەوتی هەرێم لەژێر چاودێری بەغدا دەبێت
07:00 - 16/03/2023
زەمەن_هەرێمى کوردستان
راوێژکارێکى سەرۆک
وەزیرانى عێراق دەڵێت، بەپێی لێکتێگەیشتنی نێوان حکومەتی فیدڕاڵی و حکومەتی هەرێمی
کوردستان، داهاتی نەوتی هەرێم لە هەژمارێکی دیاریکراو و لەژێر چاودێری بەغدا دەبێت.
هیشام ریکابی ڕاوێژکاری ڕاگەیاندنی محەمەد شیاع سودانی سەرۆک
وەزیرانی عێراق ئەمڕۆ پێنجشەممە لە تویتێکدا لە هەژماری تایبەتی خۆی نوسیویەتی،
"لێکتێگەیشتن و وردبینی باڵا لەنێولاان حکومەتی فیدڕاڵی و حکومەتی هەرێم
دروستبوە و ئەنجامی ئەوەش لە یاسای بودجەی فیدڕاڵی رەنگیداوەتەوە".
ئاماژەی بەوەشکردووە،
"وەک چۆن لەدوای ساڵی 2012ەوە بۆ یەکەمجارە داهاتی نەوتی هەرێم لە هەژمارێکی
دیاریکراو و لەژێر چاودێری حکومەتی فیدڕاڵی دانرا، لەژێر ڕۆشنایی ئەوەشدا سەرجەم هەژمارەکانی
دیکە داخران، ئەم لێکتێگەیشتنە نوێیەی نێوان هەردولاش هاوشێوە دەبێت".