ناوەڕۆکى کۆبوونەوەکەى نێچیرڤان بارزانى و ئەردۆغان ئاشکراکرا
07:12 - 26/01/2023
300 جار خوێندراوەتەوە
زەمەن_هەرێمى کوردستان
نێچیرڤان بارزانی سه‌رۆكی
هه‌رێمی كوردستان، به سه‌ردانێك گه‌یشته ئه‌نقه‌ره و له‌گه‌ڵ ڕه‌جه‌ب ته‌ییب
ئه‌ردۆغان، سه‌رۆك كۆماری توركیا كۆبووه‌وه.
به‌گوێره‌ی راگه‌یه‌نراوی
سه‌رۆكایه‌تی هه‌رێمی كوردستان، له كۆبوونه‌وه‌كه‌دا پێوه‌ندییه‌كانی عێراق و
هه‌رێمی كوردستان له‌گه‌ڵ توركیا، دۆخی سیاسیی عێراق و هه‌رێمی كوردستان، به‌تایبه‌تی
دوای ده‌ستبه‌كاربوونی كابینه‌ی نوێی حكوومه‌تی فیدراڵیی عێراق، پێوه‌ندییه‌كانی
هه‌ولێر ـ به‌غدا و گفتوگۆی چاره‌سه‌ركردنی كێشه‌كانی نێوانیان و ده‌رفه‌ته‌كانی
هاریكاریی عێراق و هه‌رێمی كوردستان له‌گه‌ڵ توركیا له بواری وزه‌دا، تاوتوێ
كران.
له راگه‌یه‌نراوه‌كه‌دا
هاتووه، هه‌ردوولا دووپاتیان له خواستی دوولایه‌نه بۆ بره‌ودان به پێوه‌ندییه‌كانی
هه‌رێمی كوردستان و توركیا له هه‌موو بواره‌كاندا كرده‌وه، به‌تایبه‌تیش بواری
بازرگانی و ئابووری و سوودوه‌رگرتن له‌و ده‌رفه‌تانه‌ی بۆ فراوانكردنی هاریكاریی
هاوبه‌شی عێراق و هه‌رێمی كوردستان له‌گه‌ڵ توركیا له بواری وزه‌دا هاتوونه‌ته
ئاراوه كه ده‌كرێت ڕۆڵی كارای هه‌بێت له پڕكردنه‌وه‌ی ئه‌و بۆشایی و پێویستییه‌ی
ئه‌مڕۆ له جیهان و به‌تایبه‌تی له ئه‌ورووپا له بواری وزه و گازی سروشتیدا دروست
بووه.
ئاماژەى بەوەشکراوە، "گرنگیی پته‌وكردنی هاریكاری عێراق و هه‌رێمی
كوردستان له‌گه‌ڵ توركیا بۆ پاراستنی ئاسایشی سنوور، دوایین پێشهاته‌كانی شه‌ڕی
دژی تیرۆر و مه‌ترسییه‌كانی داعش له عێراق و سووریا، دۆخی ناوچه‌كه به‌گشتی و
چه‌ند پرسێكی ی جێی بایه‌خی هاوبه‌ش، ته‌وه‌رێكی تری كۆبوونه‌وه‌كه بوو".