کوردستان

ئەمشەو شەپۆلی بارانبارین روو لە لاوازی دەکات

06:43 - 26/11/2022 100 جار خوێندراوەتەوە

زەمەن_هەرێمى کوردستان


ئەو شەپۆلە بارانبارینەی کە ماوەی چەند رۆژێکە هەرێمی کوردستانی گرتووەتەوە ئەمشەو شەپۆلەکە روو لە لاوازی دەکات.

 
ئەمڕۆ شەممە ٢٦ی١١ی٢٠٢٢، فەرمانگەی میدیا و زانیاریی حکوومەتی هەرێمی کوردستان بڵاویکردەوە: "بە گوێرەی دوایین پێشبینییەکان، کاریگەری ئەو شەپۆلە بارانبارینەی کە ئێستا ڕووی لە ناوچەکانی هەرێمی کوردستان کردووە، هەندێک کات لێزمە بارانیشی لەگەڵ دا دەبێت و کاریگەرییەکانیشی وردە وردە ئەمشەو بەرەولاوازی دەچێت".

ئاماژە بەوەش دراوە: "بەپێی پێشبینییەکان سنووری پارێزگای هەولێر و سەنتەری پارێزگاکە زۆرترین بارانی تێدا دەبارێت لە چاو ناوچەکانی دیکە".
ئەوەش خراوەتە روو کە بەپێی ئامارەکانی بەڕێوەبەرایەتی گشتی کەشناسی و بوومەلەرزەزانی هەرێمی کوردستان، لە ماوەی ڕابردوودا ئاستی باران بارین بەمشێوەیە بووە.
پارێزگای هەولێر:
هەولێر ١٨.٨، پیرمام ٣٥.٨، شەمامک ٢٣.٣، خەبات ٩.٨، شەقڵاوە ٤٦.٥، حاجی ئۆمەران ٢٩.٤ و سۆران ٣٢ ملم بووە.
پارێزگای دهۆک:
دهۆک ١٢.٦، زاخۆ ٢٦.٥، ئاکرێ ٢١.٠، بامەڕنێ ٢٠.٤، کانی ماسی ١٦.٠ و مانگیش ١٤.٨ ملم بووە.
پارێزگای سلێمانی:
سلێمانی ٢١.٨، چەمچەماڵ ٥٤ ، دوکان ٤٩.٢ ، هەڵشۆ ٣٩ ، بازیان ٥٢ و دەربەند ٩.٢ دەبێت.
پارێزگای کەرکووک:
کەرکووک ٤٠.٥، دوس ٣٢.٥ ، کەلار ٢٠.٨، خانەقین ٢٠.٩ و مەیدان ٩.٤ ملم بووە.
لە هەڵەبجەش ٦.٨ ملم باران باریوە.

سۆشیال میدیا

ڕۆژنامەی زەمەن