کوردستان

شەپۆلێکى بەفر و سەرما بەڕێوەیە

07:41 - 17/11/2022 320 جار خوێندراوەتەوە

زەمەن_هەرێمى کوردستان

بەپێى پێشبینییە کەشناسییەکان، شەپۆلێكی سەرما و بەفربارین بەرەو چەند ناوچەیەكی هەرێمی كوردستان و عێراق بەڕێوەیە.


سادق عەتیە كەشناسی دیارى عێراقی رایگەیاند، لەمشەو بەدواوە شەپۆلێكی سەرما روو لە چەند ناوچەیەكی هەرێمی كوردستان و عێراق دەكات، تەنانەت لە ناوچەكانی باشوور بە سنووری پارێزگای بەسراشەوە، ئەگەری باران بارین هەیە.

ئاماژەى بەوەشکردووە، لە هەولێر، سلێمانی، دهۆك، بەغدا، دیالە، نەینەوا و رۆژهەڵاتی ئەنباریش ئەگەری باران بارین زۆرە.

بەوتەى ئەو کەشناسە، دوور نییە لە ناوچە شاخاوییەكانی هەرێمی كوردستاندا بەفریش ببارێت، چونكە ئەمشەو و رۆژانی داهاتوو، پلەی گەرما بە شێوەیەكی بەرچاو دادەبەزێت.

 

سۆشیال میدیا

ڕۆژنامەی زەمەن