کوردستان

چەند بەرپرسێکى دیکە لە سلێمانى دەستگیردەکرێن

10:24 - 06/09/2022 1768 جار خوێندراوەتەوە

زەمەن_سلێمانى


سەرۆکی ئەنجومەنی پارێزگای سلێمانی ڕایگەیاند، لە چوارچێوەی هەڵمەتەکەی بافڵ تاڵەبانیدا لە ڕۆژانی داهاتوودا ژمارەیەک بەرپرس و دەسەڵاتدار دەستگیردەکرێن.  

ئازاد محەمەد ئەمین، سەرۆکی ئەنجومەنی پارێزگای سلێمانی لە چاوپێکەوتنێکدا لەگەڵ تەلەفزیۆنی فەرمیی حزبەکەى ڕایگەیاند، "ئەو هەڵمەتەی بافڵ تاڵەبانی دەستیپێکردووە بۆ دەستگیرکردنی گەندەڵکاران کەسانی خاوەن دەسەڵات و دەستڕۆیشتووش دەگرێتەوە نەک تەنها فەرمانبەر و کەسانی بچوک، وەک ئەوەی باس دەکرێت." 


وتیشی، "چاوەڕوان بن لە ڕۆژانی داهاتوو خەڵکی دەسەڵاتدا و بەرپرس دەستگیردەکرێن."  


سەرۆکی ئەنجومەنی پارێزگای سلێمانی ئاماژەی بەوەشکرد، "هەوڵەکەی بافڵ تاڵەبانی بە هاوکاری و هەماهەنگی لەگەڵ قوباد تاڵەبانی، جێگری سەرۆکی حکومەت و لایەنەکانی دیکەی حکومەتە بۆ ئەوەی دۆخ و داهاتی سلێمانی ڕێکبخرێتەوە."  

سۆشیال میدیا

ڕۆژنامەی زەمەن