عیراق

ده‌ستبه‌سه‌ر سامانی سیاسیه‌كی عێراقیدا ده‌گیرێت

04:17 - 15/08/2022 244 جار خوێندراوەتەوە

"زەمەن"


وه‌زاره‌تی دارایی بڕیاریداوه‌ ده‌ستبه‌سه‌ر سه‌روه‌ت و سامانی میسال ئالوسی كه‌ سیاسیه‌كی عێراقییه‌ بگیرێت، ئه‌ویش ده‌ڵێت به‌س پاره‌ی خانه‌نشینیه‌كه‌م هه‌یه‌.

ئه‌مڕۆ دووشه‌ممه‌،  میسال ئالووسی، سیاسه‌تمه‌داری عێراقی و ئه‌ندامی پێشووتری ئه‌نجومه‌نی نوێنه‌ران، له‌تویتێكدا وێنه‌ی نوسراوێكی وه‌زاره‌تی دارایی عێراقی بڵاوكردوه‌ته‌وه‌ كه‌ تێیدا داوای له‌ ژماره‌یه‌ك وه‌زاره‌ت و بانكه‌ حكومییه‌كان كردووه‌ ده‌ستبه‌به‌سه‌ر سه‌رجه‌م بڕه‌ پاره‌ی گوازراوه و نه‌گوازراوه‌ی میسال ئالووسی، سیاسه‌تمه‌داری عێراقیدا بگرن.

میسال ئالوسی، كه‌ یه‌كێك له‌و كه‌سانه‌ی به‌رده‌وام ره‌خنه‌ له‌ بوونی گه‌نده‌ڵی له‌ سیسته‌می حكومڕانی عێراقدا ده‌گرێت، له‌سه‌ر تویته‌كه‌ نوسیویه‌تی: من هیچ سامانێكم نیه‌ جگه‌ له‌ خانه‌نشینیه‌كه‌ و شێوازی سیاسی خۆم ناگۆڕم و له‌ كه‌سیش ناترسم.

میسال ئالوسی، یه‌كێكه‌ له‌و سیاسیانه‌ی پشتیوانی خۆپیشاندانی لایه‌نگرانی موقته‌دا سه‌در ده‌كات.

سۆشیال میدیا

ڕۆژنامەی زەمەن