وادەی کۆتاییهاتنی شەپۆلی گەرما ڕاگەیەنرا
09:20 - 02/08/2022
زەمەن_هەرێمى کوردستان
بەگوێرەی پێشبینییە کەشناسییەکان،
لە ڕۆژی شەممەی داهاتووەوە شەپۆلی گەرمای بەتین کۆتایی دێت و پلەکانی گەرما ڕوو لە
نزمبوونەوە دەکات.
ئاراس جەبار، شارەزای
کەشناسی ڕایگەیاند، سبەی چوارشەممە 3-8-2022 ئاسمانی ھەرێم ساماڵ دەبێت لەگەڵ بوونی
پەڵە ھەورێکی کەم لەناوچەکانی سنوری پارێزگای سلێمانی.
ئاماژەی بەوەشکردووە،
پلەکانی گەرما بەجێگیری دەمێنێتەوە و بەم شێوەیە دەبێت، لەسەنتەری پارێزگاکانی ھەرێم،
سلێمانی ٤٤ بە ٢٩، ھەولێر ٤٥ بە ٣٢ پلە، دھۆک ٤٤ بە ٣٠ پلە، ھەڵەبجە ٤٥ بە ٢٨ پلە،
کەرکوک ٤٧ بە ٣٣ پلە، لەناوچەکانی گەرمیان ٤٩ بە ٣٢ پلە، لە سنوری ئیدارەی راپەرین
٤٤ بە ٣٠ پلە و لە سنوری ئیدارەی سۆران ٤٣ بە ٢٩ پلە دەبێت.
ئەوەشی خستووەتەڕوو،
کاریگەری ئەم شەپۆلە گەرمایە تا سەرەتای ھەفتەی داهاتوو بەردەوام دەبێت و رۆژی شەممە
٦-٨-٢٠٢٢ پلەکانی گەرما ڕوو لەنزمبوونەوە دەکاتەوە.