تەندروستی

نەخۆشی ئەگزیما چییە؟

04:31 - 31/07/2022 286 جار خوێندراوەتەوە

 

 

نەخۆشی پێست هەموو ئەو نەخۆشیانە دەگرێتەوە كەڕووبەڕووی پێستی مرۆڤ دەبێتەوە و دواتر دەبێتە هۆی زیان گەیاندن بەخانەكان و پێست و ئەوەش لەڕێگەی نەخۆشییە گواستراوەكانەوە كە هەڵگری میكرۆبن یاخود بەكارهێنانی كەرەستە دروستكراوەكانەوە دەبێت و لەهەندێك حاڵەتدا نەخۆشییەكە زگماكییە.

_نەخۆشییەكانی پێست چەند جۆرێكن ئەوانیش بریتین لە:

1-ئەگزیما ( بیرۆ ).

2-حەساسیەت.

3-سەدەف.

4-بەڵەكی.

5-دەردە رێوی و ...هتد

_لەئێستادا باوترین نەخۆشی پێست ئەگزیمایە واتە (بیرۆ)، كەدوو جۆری هەیە:-

 

1-یەكێكیان ناوەكییەو لەمنداڵیەوە یاخود بەهۆی چەوری پێستەوە تووشی مرۆڤ دەبێت.

2-دووەمیشیان دەرەكیە و زیاتر ئەوانەی كرێكارن و چیمەنتۆ بەكاردێنن توش دەبن هەروەها لەژنانیشدا بەكارهێنانی ئێكسسوار كە ماددەی نیكلی تێدابێت دەبێتە هۆی درووست بوونی ئەم نەخۆشیە، كە یەكێكە لە نەخۆشییە بەربڵاوەكان و جۆرێكی تریشیان سەدەفە كە لەمنداڵی و گەورە بوونیشدا ڕووبەڕووی مرۆڤ دەبێتەوە ، واتە سات و كاتی بۆ نیەو ئەم نەخۆشیە بۆماوەییە و تووشبووانی ئەم نەخۆشیە دەبێت لەڕێگەی دەفتەری تایبەتەوە مانگانە سەردانی پزیشكی پسپۆر بكەن.

 

* ئایا نەخۆشیەكانی پێست بۆماوەیین یاخود لەكەسێكەوە بۆ كەسێكی دیكە دەگوازرێتەوە؟

 زۆربەی زۆری ئەم نەخۆشیانە بڵاونابنەوە تەنیا چەند جۆرێكی نەبێت ئەویش وەك گەڕیی كەجۆرە گەنەیەكە و دەچێتە ناو لەشی ئەو كەسەوە و لەئەنجامی خوراندنی زۆر بڵاَودەبێتەوە لەماڵ و لەو شوێنەی تێیدابووە.

سۆشیال میدیا

ڕۆژنامەی زەمەن