عیراق

كۆمپانیای نه‌وتی باكور له‌ راگه‌یه‌ندراوێكدا حكومه‌تی هه‌رێم تۆمه‌تبار ده‌كات

06:18 - 14/05/2022 214 جار خوێندراوەتەوە

"زەمەن"


كۆمپانیای نەوتی باكور، دژی حكومه‌تی هه‌رێم راگه‌یه‌ندراوێكی بڵاوكرده‌وه‌ و رایده‌گه‌یه‌نێت حكومه‌تی هه‌رێم دەستیبەسەر  دوو كێڵگەی نەوتی سەر بە كۆمپانیاكە گرتووه‌ و  بەرهەمە نەوتییەکانى چەندین بیر لەبەرژەوندى خۆى بەکاردەهێنێت.

 

كۆمپانیاكه‌ ئه‌مڕۆ شه‌ممه‌ 14ی ئایاری 2022، رایگه‌یاند: پێشتر حکومەتى هەرێمى کوردستان چەندین جار پێشێلكاریی و مامەڵەى خراپى بەرامبەر كێڵگە نەوتییەكانی سەر بە كۆمپانیاكەمان ئەنجامداوە، لەوانە كێڵگەكانی (خورمەلە/ هاڤانا/ سەفیە/ كۆرمۆر)، بۆیە کۆمپانیاکەمان چەندین داوای یاسایی لە دادگا پەیوەندیدارەکانی عێراق بەرز کردوتەوەو چاوەڕوانى وه‌ڵامى داداگایە.

كۆمپانیاكه‌ ده‌ڵێت: لە درێژەی ئەم پێشێلكاریانەدا، بە مەبەستى دەست بەسەرا گرتن و سود وەرگرتن لە تاواناکانى بەرهەمهێنانى ئەو بیرانە، هێزێكی چەكداری سەر بە حكومەتی هەرێم، بە یاوەری تیمێكی تەكنیكی هێرشیان کردوەتە سەر بیرەكانی (بای حەسەن و داود).

باسله‌وه‌شكراوه‌، کۆمپانیاکەیان کە خاوەندارێتی کۆمپانیای نەوتی نیشتمانی عێراق دەکات، حکومەتی هەرێمی کوردستان بە ئەنجامدانى چەندین پێشێلکارى و رەفتارى دژە دەستورى کە پەیوەندى نێوان حکومەتى هەرێم و حکومەتى ناوەندى ئاڵۆز کرووە، تۆمەتبار دەکات.

كۆمپانیاكه‌ كاتی هێرشه‌كه‌ی بۆ سه‌ر ئه‌و دوو بیره‌ نه‌وته‌ دیارینه‌كردووه‌. تائێستا حكومه‌تی هه‌رێم هیچ لێدوانێكی له‌مباره‌یه‌وه‌ نه‌بووه‌.

سۆشیال میدیا

ڕۆژنامەی زەمەن