کوردستان

وەزارەتى پێشمەرگە شەهیدبوونى 356 کەسى راگەیاند

10:07 - 27/12/2021 2649 جار خوێندراوەتەوە

زەمەن_هەرێمى کوردستان


وەزارەتى پێشمەرگەى هەرێم رایگەیاند، لە هێرشەکانی داعشدا لە 11 مانگى ئەمساڵدا 356 کەس شەهید و 480 کەس برینداربوون.


بەگوێرەی ئامارێکى وەزارەتی پێشمەرگە، لە سەرەتای ئەمساڵەوە تاوەکو 31-11-2021، "چەکدارانی داعش 229 کردەوەی تیرۆریستییان لە ناوچە کوردستانییەکانی دەرەوەی ئیدارەی هەرێمی کوردستان ئەنجامداوە، لە ئەنجامدا 356 شەهید و 480 کەسیش برینداربوون.

هەر بەپێى ئامارەکەى وەزارەتى پێشمەرگە، لەو 11 مانگەدا داعش 33 کەسى رفاندووە.

ئەوە لە کاتێکدایە، لە 27ی مانگی 11وە تاوەکو 05-12-2021، چەکدارانی داعش لە سنوورەکانی کەرکووک، گەرمیان و مەخموور شەش هێرشیان ئەنجامدا و بەهۆیەوە، 22 پێشمەرگە و سێ هاوڵاتى شەهیدبوون.

سۆشیال میدیا

ڕۆژنامەی زەمەن