پلە و مووچەی زیاتر لە 19 هەزار فەرمانبەر بە نایاسایی بەرزكراوەتەوە
08:54 - 04/05/2021
283 جار خوێندراوەتەوە
زەمەن_هەرێمی كوردستان
هیڤیدار ئەحمەد، ئەندامی پەرلەمانی كوردستان رایدەگەیەنێت زیاتر لە ١٩ ھەزار فەرمانبەر بە
نایاسایی پلە و مووچەیان بەرزکراوەتەوە.
ئەو پەرلەمانتارە
ئاشكرایكردووە لە راپۆرتی دووەمی چاکسازی وردبینی بۆ فایلی، ٣٠٤ ھەزار و ١٢٩
فەرمانبەرا کراوە، دەرکەوتووە کە: ١٩ ھەزار و ٤٢ کەس بە زیاد پلە و زیادە مووچەیان پێدراوە.
بە وتەی هیڤیدار
ئەحمەد، بڕیادراوە راست بکرێتەوە. وتیشی: ٤١١ کەس مووچەی شەھیدییان بۆ بڕیوەو ئەو مافەیان نییە، ١٣٣ کەس بە تاقانەی جینۆساید دانراوەو تاقانەی جینۆساید نین.
راپۆرتی دووەمی
چاكسازی لەلایەن حكومەتەوە نێردراوەتە پەرلەمان و ئەمڕۆ سێشەممە لەلایەن لیژنەی
داراییەوە تاوتوێكرا.