به‌فه‌رمی واده‌ی كردنه‌وه‌ی قوتابخانه‌كان راگه‌یه‌نرا
02:09 - 30/04/2021
2035 جار خوێندراوەتەوە
زه‌مه‌ن_هه‌رێمی كوردستان
لیژنه‌ی باڵای روبه‌ڕوبونه‌وه‌ی
كۆرۆنا بڕیاریدا، بە کردنەوەی دەرگای قوتابخانەکان و پەیمانگەکانی وەزارەتی
پەروەردە لە پاش جەژنی رەمەزان.
بەپێی نوسراوێک کە واژۆی
رێبەر ئەحمەد، وەزیری ناوخۆی حکومەتی هەرێمی کوردستانی لەسەرە، تیایدا بڕیاردراوه
به كردنەوەی دەرگای قوتابخانەكان و پەیمانگەکانی وەزارەتی پەروەردە
لەپاش جەژنی رەمەزانی پیرۆز دوای هەڵسەنگانی بارودۆخی تەندروستی و راددەی
كاریگەریی ڤایرۆسی كۆرۆنا.
له نوسراوه‌كه‌دا ئه‌وه‌ش
هاتووه، بڕیاردراوه بە راگرتنی هاتوچۆی تەواوی پارێزگاکانی (هەڵەبجە، سلێمانی،
دهۆک و هەڵەبجە) و ئیدارە سەربەخۆکانی (راپەڕین و گەرمیان) و گشت یەکە کارگێڕیەکان
لە کاتژمێر 12:00ی شەو کۆتا رۆژی مانگی رەمەزانی پیرۆز تاوەکو کاتژمێر 12:00ی شەوی
سێیەم رۆژی جەژن.
هه‌روه‌ها بڕیاردراوە بە
قەدەغەی گەشتكردن بۆ وڵاتی هیندستان بۆ هاوڵاتی عێراقی و قەدەغەی هاتن لە وڵاتی
هیندستان، بۆ كەسی بیانی لە رێگای دەروازە سنورییەكانی هەرێمی كوردستان ئەوانەی لە
دوای 20-4-2021 سەردانی ئەو وڵاتەکەیان كردوە، ئەو هاوڵاتیە عێراقییانەی كە لە
وڵاتی هیندستان دەگەرێنەوە لە رێگای دەروازە سنورییەكانی هەرێمی كوردستان، پێویستە
لەخاڵە سنورییەكان جیا بكرێنەوە و پشكنینی وردیان بۆ بكرێت لە لایەن تیمە پزیشكییەكانی
وەزارەتی تەندروستی بە مەبەستی دڵنیابون لە توش نەبونیان بە ڤایرۆسی كۆرۆنا و
كەرەنتین دەكرێن بۆ ئەو ماوەیەی كە وەزارەتی تەندروستی دەستنیشانی كردوە.
