کوردستان

تەرمى هاوڵاتییەک لە نزیک نەخۆشخانەى شار دۆزرایەوە

10:18 - 23/02/2021 256 جار خوێندراوەتەوە

زەمەن_هەردى عوسمان

 

بەیانى ئەمڕۆ، ته‌رمی هاوڵاتییه‌ك له‌نزیك نه‌خۆشخانه‌ی شار له‌ سلێمانی دۆزرایه‌وه‌ و هیچ ئاسەوارێکى بەرکەوتنیشى پێوەدیار نییە.

 
سامان نادر به‌ڕێوه‌به‌ری سه‌نته‌ری فریاگوزاری ته‌ندروستی سلێمانی بە "زەمەن"ى راگه‌یاند، كاتژمێر 7:30ی ئه‌مڕۆ سێشه‌ممه‌، له‌نزیك نه‌خۆشخانه‌ی شار له‌ شه‌قامی بازنه‌یی مه‌لیك مه‌حمود، ته‌رمی پیاوێک دۆزرایه‌وه‌ كه‌ هیچ ئاسه‌وارێكی لێدان یاخود شتێكی دیكه‌ی پێوه‌ نیه‌ و هیچ ناسنامەیەکیشى پێ نەبووە.

وتیشی، به‌پێی زانیاریه‌ سه‌ره‌تاییه‌كان، پێده‌چێت به‌هۆی سه‌رماوه‌ ئه‌و هاوڵاتییە ره‌ق بوبێته‌وه‌، بۆ لێکۆڵینەوەى زیاتر تەرمەکەى رەوانەى پزیشكی دادی سلێمانی کراوە‌.

سۆشیال میدیا

ڕۆژنامەی زەمەن

Advertisement