نه‌وت به‌سه‌ر نزیكه‌ی 8 هه‌زار خێزاندا دابه‌شده‌كرێت
03:41 - 14/01/2021
زه‌مه‌ن_سۆران
بەڕێوەبەری گشتی چاودێری و
گەشەپێدانی كۆمەڵایەتی هەولێر رایگەیاند، ئەمڕۆ نەوت بەسەر حەوت هەزار و 700
خێزانی كەمدەرامەتدا لە سنورى سۆران و چۆمان و مێرگەسوردا دابەشدەكرێت.
یوسف چاوشین
بەڕێوەبەری گشتی چاودێری و گەشەپێدانی كۆمەڵایەتی لە راگەیەندراوێکدا بڵاویکردەوە،
ئەمڕۆ پێنجشەممە، نەوت بەسەر حەوت هەزار و
700 خێزانی كەمدەرامەتدا لە سنورى سۆران و چۆمان و مێرگەسور دابەش دەكرێت و پێوەری
دەستنیشانكردنی خێزانەكان لە سەر بنەمای هێڵی هەژاری دەبێت.
ئاماژه‌ی به‌وه‌شكردووه،
هەر خێزانێك كە داهاتی مانگانەی لە 400 هەزار دینار كەمتر بێت و توانای دابینكردنی
پێداویستییە سەرەكیەكانی ژیانی خۆی وەك خۆراك، جلوبەرگ و شوێنی حەوانەوەی نەبێت بە
تایبەت منداڵانی بێ سەرپەرشت، بێوەژنان، كەمئەندامان، كرێكاران، بێ كاران، كرێچیان
خێزانەكانی بەندكراوان كە داهاتی مانگانەیان كەمترە لە 400 هەزار دینار لەو
هاوكارییە سودمەند دەبن.