تەندروستیی عێراق ئاماری نوێی کۆرۆنای راگەیاند
04:10 - 26/10/2020
"زەمەن"
وەزارەتی تەندروستیی عێراق ئاماری ٢٤ كاتژمێری
رابردووی توشبووانی كۆرۆنای بڵاوکردەوە و بەپێی ئامارەکان، سێ هەزار و ٦٩١ حاڵەتی نوێی توشبوون و ٤٨ گیانلەدەستدان تۆمارکراوە.
لە راگەیەنراوێکدا وەزارەتی تەندروستی عێراق
ئاماژەی بەوەکردووە، "لە ٢٤ كاتژمێری رابردوودا سێ هەزار و ٦٩١ توشبووی نوێ بە
كۆرۆنا تۆماركراوە".
بەپێی راگەیەنراوەکەى وەزارەتى تەندروستى عێراق،
"سێ هەزار و ٢٤٤ كەسیش چاكبوونەتەوە و ٤٨ تووشبووى کۆرۆناش گیانیان لەدەستداوە".
لە سەرەتای سەرهەڵدانی ڤایرۆسی كۆرۆناوە لە عێراق،
زیاتر لە ٤٥٥ هەزار كەس تووشی ڤایرۆسەكە بوون و لەو ژمارەیەش زیاتر لە ٣٨٤ هەزار
چاكبوونەتەوە و ١٠ هەزار و ٦٧١ كەسیش گیانیان لەدەستداوە.
