کوردستان

وەزارەتى پەروەردە سێ بڕیارى لەبارەى خوێندنى ئەمساڵەوە دەرکرد

09:53 - 19/10/2020 4037 جار خوێندراوەتەوە

"زەمەن" 


وەزارەتی پەروەردەی هەرێمی کوردستان سێ بڕیارى نوێى لەبارەى پڕۆسەى خوێندنى ئەمساڵەوە دەرکرد و بەپێى بڕیارەکان، دەبێت، مامۆستایان پابەندبن بە تەواوکردنی پڕۆگرامەکانی خوێندن و تاقیکردنەوەکانیش لە هەمان ئەو وادەیەدا بەڕێوەدەچن کە لەساڵنامەی خوێندندا ئاماژەی پێکراوە.


بەڕێوەبەرایەتی گشتی سەرپەرشتیکردنی پەروەردەیی لە وەزارەتی پەروەردەی هەرێمی کوردستان لە بڕیارێکدا کە واژۆى بورهان عەبدوڵاى بەڕێوەبەرى بەسەرەوەیە و ئاڕاستەی پەروەردەی پارێزگاکان کراوە، ئاماژە بەوەکراوە کە پێویستە ئەمساڵ مامۆستایان پابەندبن بە تەواوکردنی پڕۆگرامەکانی خوێندن و پڕۆگرام کەمناکرێتەوە.

هاوکات بڕیار دراوە، خوێندنی پرۆگرامەکان بەگوێرەی ریزبەندی بێت و بەش و بەندەکان نابێت پاش و پێش-یان پێبکرێت.

هەروەها تاقیکردنەوەکانی نیوەی وەرز، مانگانە و تاقیکردنەوەی کۆتایی ساڵ  لە هەمان ئەو وادەیەدا بەڕێوەدەچن کە لەساڵنامەی خوێندندا ئاماژەی پێکراوە.

سۆشیال میدیا

ڕۆژنامەی زەمەن

Advertisement