زیاتر لە دوو هەزار و ٢٠٠ توشبووى کۆرۆنا چاکبوونەوە
03:49 - 03/08/2020
289 جار خوێندراوەتەوە
"زەمەن"
وەزارەتى تەندروستى رایگەیاند، لە ٢٤ کاتژمێرى
رابردوو، لە عێراق و هەرێمى کوردستان، زیاتر لە دوو هەزار توشبووى کۆرۆنا
چاکبوونەوە.
وەزارەتی تەندروستی عێراق لە راگەیەنراوێکدا، ئامارى ٢٤
کاتژمێرى رابردووى تایبەت بە کۆرۆناى بڵاوکردەوە و بەپێى ئامارەکە، دوو هەزار و ٧٣٥
کەس لە عێراق و هەرێمى کوردستان توشى کۆرۆنا بوون و ٦٦ کەسیش بەهۆی ڤایرۆسەکەوە
گیانیان لەدەستداوە.
ئاماژەى بەوەشکردووە، لە ٢٤ کاتژمێرى رابردوو، دوو هەزار
و ٢٢٥ توشبووى کۆرۆنا لە عێراق و هەرێمى کوردستان چاکبوونەوە.
بەپێى دوایین ئامارى وەزارەتى تەندروستى، تا ئێستا، ١٣١ هەزار و ٨٨٦ کەس لە عێراق و هەرێمى کوردستان توشى کۆرۆنا بوون،
لەو ژمارەیە، ٩٤ هەزار و ١١١ کەس بە رێژەى ٧١.٤% چاکبوونەوە و چوار هەزار و ٩٣٤
کەسیش گیانیان لەدەستداوە.