کوردستان

راگه‌یه‌نراوی هەپەگه‌: گه‌ریلایه‌كمان ده‌ستبه‌سه‌ركراو چه‌ند سه‌ربازێكیشمان كوشت

10:29 - 07/07/2020 159 جار خوێندراوەتەوە

"زه‌مه‌ن"


ناوەندی ڕاگەیاندن و چاپەمەنی هەپەگە لەبارەی چالاکیەکانی گەریلاکان و هێرشی هێزه‌كه‌ی بۆسه‌ر سوپای توركیا راگه‌یه‌نراوێكی بڵاوكرده‌وه‌.


ڕاگەیەنراوەکەی هەپەگە ئاماژه‌ی بۆ ئه‌وه‌كردووه‌ كه‌ له‌ماوه‌ی دوو رۆژی رابردودا ژماره‌یه‌ك سه‌بازی توركیا كوژراون و ژماره‌كیش برینداربوون و گه‌ریلایه‌كیشیان كه‌وتۆته‌ ده‌ست سوپای توركیا

ده‌قی راگه‌یه‌نراوه‌كه‌:

لە حەفتانین چالاکی سویقاست

"٥ی تەموز کاتژمێر ١٤:٢٠ لە چوارچێوەی هەنگاوی شۆڕشگێری جەنگی حەفتانیندا لە گردی کۆردینە لەدژی سوپای داگیرکەری تورک چالاکی سویقاست ئەنجامدا. لە چالاکیەکەدا سەربازەک کوژرا.

هەمان ڕۆژ هێزەکانی KBDH لە چوارچێوەی هەنگاوی جەنگی حەفتانیندا ٢ چالاکی سویقاستیان ئەنجامدا و ٢ سەرباز کوژران.

ئۆتۆمبێڵێک تێکشکێنرا و ٤ داگیرکەر کوژران

هێزەکانمان لە چوارچێوەی هەنگاوی شۆڕشگێری شەهید باگەر و شەهید رۆنیادا لە ٥ی تەموز کاتژمێر ٠٧:٠٠ لەنێوان گوندی باگەنگێ و سەری شکەفتێی گەڤەری جۆلەمێرگ لەدژی ئۆتۆمبێڵی جۆری کیرپی سوپای داگیرکەری تورک و سەربازەکان کە لە تەنیشتی بەڕێگادا دەڕوویشتن چالاکیان ئەنجامدا. لەو چالاکیەکەدا بە شێوەیەکی بەهێز لە دوژمندرا و ئۆتۆمبێڵەکە تێکشکێنرا. لەو چالاکیەدا ٤ سەربازی دوژمن کوژران.

گەریلایەک بە ناوی ڕۆژ کەوتە دەستە دوژمن

لە راگەیەنراوی ٢٦ی حوزەیراندا باسی ئەوەمان کردبوو کە لە دەشتی سلۆپی چیای جوودی لەنێوان هێزەکانمان و سوپای داگیرکەری تورکدا شەڕ ڕوویدابوو. لە ٨ی حوزیراندا لە دەشتی سلۆپی جوودی هەڤاڵمان بە ناوی ڕۆژ لە شەڕدا بریندار بوو و کەوتە دەستی دوژمن."

سۆشیال میدیا

ڕۆژنامەی زەمەن

Advertisement