76868 کوردستان

چیرۆکى ئەو کچە پزیشکەى شارى هەولێر کە کۆتایی بە ژیانى خۆى هێنا

12:22 - 12/06/2020

"زەمەن" 

شەوى رابردوو کچێک لەشارى هەولێر کە دەرچووى زانکۆی ھەولێری پزیشکی بوو، له‌ كرده‌یه‌كی خۆكوژیدا، کۆتایی بە ژیانى خۆى هێنا.


په‌یامنێری "زه‌مه‌ن" له‌ شاری هه‌ولێر ئاشكرایكرد کچەكه‌ ناوى "زەهرا فەیسەڵ برایم" ە و دەرچووی بەشی مایکرۆبایەلۆجی زانکۆی ھەولێری پزیشکی بووە و تەمەنى 26 ساڵه‌، لە رێكخراوی قەندیل کە تایبەتە بە ئەنجامدانی كاری خێرخوازی كاریكردوە.

بەپێى زانیارییەکان، ئێوارەى دوێنێ، زەهرا میواندارى هاوڕێکانى کردووە، دواى رۆیشتنەوەى هاوڕێکانى له‌ كرده‌یه‌كی خۆكوژیدا گیانی له‌ ده‌ستداوه‌.


"زەمەن" بۆ وەرگرتنى زانیارى زیاتر، چەند جارێک پەیوەندى بە هۆگر عەزیز، وتەبێژى بەڕێوەبەرایەتى پۆلیسى هەولێرەوە کرد، بەڵام وەڵامى پەیوەندییەکەى نەدایەوە.

لە ماوەى کەمتر لە ٢٤ کاتژمێر، ئەوە دووەم حاڵەتى خۆکوشتنى پزشیکانە لە هەریمى کوردستان، ئەوەش دواى ئەوەى نێوەڕۆى دوێنێ لەشارى سلێمانى پزیشکێک کۆتایی بە ژیانى خۆى هێنا.

سۆشیال میدیا

ڕۆژنامەی زەمەن