مه‌كته‌بی سیاسی پارتی له‌باره‌ی یه‌كێتیه‌وه بڕیاریدا
12:16 - 24/05/2020
زه‌مه‌ن
"مه‌كته‌بی سیاسی پارتی بڕیاریداوه دوای جه‌ژن له‌گه‌ڵ یه‌كێتی كۆببێته‌وه بۆ چاره‌سه‌ركردنی كێشه‌كانی نێوانیان" ئه‌ندامێكی مه‌كته‌بی سیاسی پارتی وای وت.
كاكەمین نەجار ئەندامی مەكتەبی سیاسی پارتی به كه‌ناڵی "ڕوداو" ی ڕاگەیاند، پێش جەژن مەكتەبی سیاسی پارتی كۆبووەوە و بڕیاری دا لەگەڵ یەكێتی كۆببێتەوە و یەكێتیش هەر بڕیاری داوە كۆبوونەوە بكرێت.
ئەوەشی خستەڕوو كە پارتی و یەكێتی دوای جەژن كۆدەبنەوە و وتیشی: “زۆر پێویستمان هەیە بەوەی پێكەوە دانیشین”.
كاكەمین نەجار ڕوونیشیكردەوە كە پارتی و یەكێتی پێویستە لەسەر چەندین پرسی وەك لامەركەزی، پێداوچوونەوە بە ڕێككەوتنی نێوانیان، پەیوەندییەكان لەگەڵ بەغدا و نووسینەوەی دەستوور كۆببنەوە.