ئازیزانی رۆژهەڵات
6/11/2026 8:35:00 PM
ئارام رەفعەت
خۆ بێبەریکردن و خۆ دوورگرتنی ئێوەی
کوردی رۆژهەڵات لە ململانێی تەمەن ٦٠ ساڵەی جەلالی و مەلایی، جوانترین کوردایەتی و
باشترین خزمەتی ئێوەیە هەم بۆ باشور و هەم بۆ رۆژهەڵات.
لایەنگری ئێوە بۆ هەر لایەکیان بێت برینی
باشور قوڵتر و ناوماڵمان پەرتەوازەتر دەکات.
چەلەحانێی ئەندامانی پارتی و یەکێتی دژی
یەکتری چەندە قێزەون و دزێوە، چوونی ئێوە بۆ سەنگەری هەر کامێک لەو دوو حیزبانە لەدژی
ئەوی دی، هەزار هێندە قێزەونتر و دزێوترە.
ئازیزانی رۆژهەڵات…
ئەو وزە و ماتەوزەیەی هەتانە بۆ یەکڕیزی
و یەکیتی و ئازادی رۆژهەڵاتی دڵ و گیان تەرخان بکەن، نەک بۆ زیاتر لێکترازاندنی
ناو ماڵی باشور.
بە سەدان هەزار کەس لە باشور هاوسۆز و
هاوپشت و هاوخەمتانە.
رێگە مەدەن هیچ کەس و گروپێکی ناو ریزی
حیزبەکانتان ئەو سەرمایە و پشتیوانیە نەتەوەیە بکەنە قوربانی سوپاس و بەخشیشی منداڵ
و هەرزەی جۆت بنەماڵە بەڵاکە، یان هەر لایەنێکی دیکەی چەپ و راستی باشور.
باشترین پشتیوانی ئێوە بۆ باشور ئەوەیە
پشتیوانی هیچ حیزب و لایەنێکی باشور نەبن.
ئازیزانی رۆژهەڵات.
من چەندە خۆم بەباشوری دەزانم، هێندەش
بە رۆژهەڵاتی…. ئەم پەیامەم لەرووی دڵسۆزییەوە لێوەرگرن.
11/06/2026