سەردانەکەی کازمی عەرشی هێزه‌كانی هه‌رێم ده‌له‌رزێنێ؟
9/12/2020 9:31:00 AM
بڕوا کەمال
مستەفا کازمی لەدوای
دەستبەکار بوونی وەک سەرۆک وەزیرانی عێراق لەماوەیەکی کەمداو جەوڵەسەیرەکانی و بڕیارەکانی
، بوە جێگەی پرسی گەرمی میدیاکان و بەزووی عەتفی خەڵکی عێراقی بەلای خۆیدا ڕاکیشا.
شەقامی عێراقی مستەفا کازمی وەک فریشتەی فریاد ڕەس
سەیر دەکەن چونکە چەندین ساڵە خەڵکی بەشمەینەتی عێراق بەدەست شەڕی تایفی و مەزهەبی
دەناڵێنن و سامانی عێراق چەندین ساڵە بەهەدەر ئەبرێ بۆیە زۆربەی هێزەسیاسیەکانی عێراقی
جوڵەکانی کازمی بێزاری کردون وتەنانەت گەیشتۆتە
حەدی دژایەتی کردنی ، بەڵام ڕۆژ بەڕۆژ ئەستێرەی مەستەفا کازمی گەورە تردەبێت و زیاتر
دەچێتە دڵی خەڵکیەوە ، لەو نێوەندەشدا هەرێمی کوردستان و بەشێکی زۆری خەڵک بەتەواوەتی
سەرسامی مستەفا کازمی-ن.
هێزە سیاسیەکانی کوردستانیش بەدەرنیە لە هێزەسیاسیەکانی
عێراق بەتایبەت یەکێتی و پارتی کە ترسی ئەوەیان هەیە لەهەڵبژاردنی داهاتوو وەک ئەوەی
باسدەکرێت لیستێک دروست بکا بۆهەڵبژارندنەکانی داهاتوو لەسەرتاسەری عێراق، بەهەرێمی
کوردستانیشوە کە چاوەڕێی دەکرێ لەماوەیەکی نزیکدا لیستەکە ڕابگەێنێت ، بێگومان هەرێمی
کوردستان ٣٠ ساڵە بەدەست چەندین کێشەوە دەناڵێنێت و قەیران لەسەر قەیران کەڵەکەبوە
و ، خەڵکی بەشمەینەتی هەرێم بێزار بوون لەحکومەتی ئێستا تەنانەت خەڵکی بێزار بوە لەکورد
بوونی خۆی ، ئەوەی کەدەبێت باسبکرێت ئەوەیە لە دوو ڕۆژی ڕابووردو مستەفاکازمی بەسەردانێکی
چاوڕوانکراو سەردانی هەرێمی کوردستانی کردو بۆ کۆمەڵێک پرسی سیاسی و ئیداری و کیشەکانی
نێوان هەرێم و بەغداد.
من نامەوێت باسی ئەوە بکەم بەڵکو ئەوەی کە گرنگە
باسی بکەم ئەوەیە کە لەماوەی ئەم دوو ڕۆژە جوڵەکانی لەهەرێم و بینینی خەڵکی و ئەو
جۆشوخرۆشەی خەڵکی کە یەکێک لە هاوڵاتیەکان بەکازمی دەڵێت : لیست دروست بکەو ئێمە لەگەڵتین
، ئەمە ترسێکی زۆری خستۆتە نێو هێیزە سیاسیەکانەوە، کە وەک کورد وەتەنی دەڵێت: ئەوەندەی
تر گۆمەکەی شڵەقاند ، بەپیی هەندێک لەزانیاریکان ئەوەیە کازمی کەلەشاری سلێمانی
دوور لەچاوی کامێراکان چاوی دەکەێت و بەکۆمەڵیک کەسایەتی و وەک ئامادەکاریەک بۆ ئەولیستە
نوێیەی کە بۆهەڵبژاردنی داهاتوو ڕای دەگەێنێت ، دەیەوێت لەهەرێمی کوردستان بەرەیەک
دروست بکات کە بەڕوای بەشێک لەچاودێران ئەگەر لیست دروست بکات ، سەرکەوتنێکی گەورە
دێنێی لەهەرێم ، بۆیە ئەگەر هێزە سیاسیەکانی کوردستان نەکەونە خۆیان و چاکسازی لەخۆیاندا
نەکەن لەهەڵبژاردنی داهاتوو مستەفا کازمی عەرشی دەسەڵاتیان دەلەرزێنێ و نزیکی دەخاتەوە
لە ڕووخان.