وتار

ترامپ دربەکا دیتر لروژاڤا ددەت

10/20/2019 1:59:00 PM 26 جار خوێندراوەتەوە
حاجی ڕێکانی


دیارە پشتی ترامپی بریارا ڤەکێشانا هێزێن ئەمریکی ژچەند بنکەوخالێن سنوری ل٧/ئوکتوبەرێ دەرکری،تورکیا دەستڤالابوو کو بهێزەکا مەزن هێرشی روژاڤا بکەت وگوند وباژێرکان وێران بکەت،خەلکێ سڤیل وبێگونەه ژ زاروکان وژن وپیران ل بەرچاڤێن رایا گشتی یا جیهانی بکەتە ئارمانجا توپ وتانک وفروکەیان،هەلبەتە ڤێ چەندێ کارڤەدانێن مەزن لسەر ئاستێ جیهانێ لدویڤ خودا هێلان،جارهەڤسوزی وپشتەڤانی بو روژاڤا ودوزا وێ یا رەوا،جار ژی شەرمزارکرنا ئەردوگانی وئیدانەکرنا هێرشا لەشکەرێ وی یێ داگیرکەر.
لێ تشتێ هاتی تێبینیکرن کارڤەدانێن ناڤخویا ئەمریکابوون، کو بریارا ترامپی بتوندی شەرمزارکرن وزور فشار ورەخنە ئاراستەی بوون تا گەهشتیە وی ئاستی ئێدی نەک بتنێ ژلایێ (لوسی پیلوسی)سەروکا پارتا دیموکراتیکا ئەمریکی و(جوبایدن)کوبهێزترین رکابەرێ تراپی بو پوستێ سەروکاتیا ئەمریکا بو هەلبژاتنێن ٢٠٢٠دهێتەزانین،بەلکو ژلایێ ئەندامێن پارتا کوماری ژی ل کونگرێسی بتایبەتی سیناتور(لێندسی گراهام)،بتوندی دژی هێرشا داگیرکەرا تورکیایە ورخنێن توند ئاراستەی ترامپی  کرن وسیاسەتا وی ل دەڤەرا ناڤەراست وباکورێ سوریا ب سیاسەتەک شاش ونەزان ل قەلەم دا.لەوما ترامپ نەچاربوویە تەلەفونا مەزلوم کوبانی وئەردوگانی بکەت،پاشی جێگرێ خو(مایک پینس) ووەزیرێ دەرڤە(مایک پومبیو)رەوانەی ئەنقەرەکرن ودگەل ئەردوگانی وکاربدەستێن تورکیا دانوستاندن سازکرن پیخەمەت شەروداگیرکرن بێنە راگرتن.دئەنجامدا(پینس)ی دکونگرەکێ روژنامەڤانیدا،رێکەفتنا ئەمریکا وتورکی دەربارەی روژاڤا بێ ئاگەهداریا کوردان وئیدارا خوسەر راگەهاند.
 لگور ڤێ رێکەفتنا١٧/ئوکتوبەر دناڤبەرا(مایک پنس) جێگرێ سەروکێ ئەمریکا دگەل ئەردوگانی هاتی مورکرن،دڤێت هێزێن هەسەدێ دەستبەرداری چەکێ گران بن وبو ٣٢کم بو ناڤەراستا سوریێ خو ڤەکێشن.لەوما بدیتنا من سەرەرایی کو رێڤەبەریا خوسەر وەک تەکتیک رازی بوویە سەر ئاگربەستێ بو ماوێ ٥ روژان کو ئێک ژ خالێن رێکەفتنێیە.
لێ بدیتنا من باشترە رێڤەبەریا خوسەر رێکەفتنێ رەتبکەت ژبەرکو خالەکا بتنێ ژی نەدبەرژەوەندیا کورداندایە،بەلکو لدویڤ حەز وئارەزوویا ئەردوگانی هاتییە سازکرن چنکو:
 
١.نەمانا کیانێ سیاسی وئیداری یێ کو تا نهوو هاتی نیاسین ب روژاڤا .
٢.ئەردوگان ولەشکەرێ وی لەشکەرێ محمد وچەتەیێن تیرورستێن دگەلدا،هیرشێن خو راناوەستینن ودێ بەردەوامبن دقرکرنا کورداندا،بەلگەژی ئەڤەیە کو پشتی بورینا چەند دەمژمێرەکان ل سپێدەهیا روژا ١٨/ئوکتوبەر تورک بەردەوامە دشەر وهێرشکرنێدا بول سەر باژێرێ سەرێ کانیێ وتوبارانکرنا هەرەمەکی لسەر سڤیلان.
٣. رێککەفتن نەش بو خاترا کوردان وروژاڤادایە نەخێر،بەلکو ب پلە ئێک بو قورتالکرنا ترامبیە ژ فشارا ئەندامێن هەردو پارتان یا دیموکرات ویا کوماری ل کونگرسی دا.
٤ .رێککەفتن دبەرژەوەندیا ئەمریکادا هاتییە رێکخستن پێخەمەت تورکیا دورکەڤیت ژ روسیا وهەر لبن چنگێ ئەمریکادا ب مینیت وەک ئەندامەک گرنگ دناڤ هێزا ناتودا.
ئەزپشتراستم ژ ژیری وتێگەهشتن وشەهرەزایا هەمی سەرکردەیێن سیاسی ولەشکەری وئیداری ودبلوماتکارێن ئیدارا روژاڤا،دزانم تا چەند پلیمەت ودانانە دزانستێ سیاسەتێدا،ئەو باش دزانن ئەڤ رێککەفتنە مینا یارییەک دیە ب دوزا رەوا یا گەلێ کورد دهێتکرن.لەوما ئەز پشراستم ئەو دێ بەرامبەر وێ یاریا ئەمریکا،یارییەک دی کەن کو دبەرژەوەندیا روژاڤادا بیت،ئەڤە ئەگەر هات وترامپ لژێر فشارا توندا کونگرێسی دڤان چەند روژێن کێمێن داهاتیدا هەلویستەک توند و وێرانکەر دەرباری ئەردوگانی وئابورێ تورکیا وەرنەگریت.خوشبەختانە هەمی ئاماژە بو هندێ دچن کو ئەردوگان دێ ب دفن شکەستی وسەرشوری لروژاڤا ڤەگەریت.

سۆشیال میدیا

ڕۆژنامەی زەمەن