بتڵی دووەمی غاز دابەشدەكرێت
02:42 - 27/04/2026
زەمەن – هەواڵ
لە هەولێر غاز بەرێژەیەكی باش زۆر بووەو لە سلێمانی
دەست بە دابەشکردنی بتڵی دووەمی غاز دەکرێت
عومەر عەبدوڵا، سەرپەرشتیاری دابەشکردنی غاز لە
قایمقامییەتی سلێمانی رایگەیاند: دابەشکردنی غاز لە سلێمانی بە تەواوی ئاسایی بووەتەوە
و گەڕاوەتەوە بۆ دۆخی پێشووی، لە ئێستاشدا ڕۆژانە شەش تەنکەر غاز دەگاتە کارگەکانی
پڕکردنەوە.
باسی لەوەشکرد: لە ئەمڕۆوە نانەواخانە و سەموونخانەکان
دەتوانن لە هەفتەیەکدا 12 بۆ 15 بتڵ غاز وەربگرن، ئەمەش لە کاتێکدا پێشتر تەنیا هەشت
بتڵیان بۆ تەرخان کرابوو.
جەختی لەوەشکردەوە: لە چەند ڕۆژی داهاتوودا دەست
دەکرێت بە دابەشکردنی بتڵی دووەمی غاز بەگوێرەی فۆرمی خۆراک، کە ئەمەش بارگرانیی سەر
شانی هاووڵاتییان کەم دەکاتەوە.