محەمەد حەکیم: پێویستە کۆمەڵ بەخۆیدا بچێتەوە
06:43 - 12/11/2025
زەمەن پرێس:
سەرۆکی لیستى کۆمەڵی دادگەری کوردستان لە بازنەى سلێمانی
ڕایدەگەیەنێت، ، کۆمەڵی دادگەری دەرفەتی باش لە بەردەمدایە بۆ ئەوەی قۆناغی
داهاتوو بکاتە قۆناغی بە خۆدا چونەوە و چاکسازیی لە هەرکەمتەرخەمی و هەڵەیەك.
محەمەد حەکیم سەرۆکی لیستى کۆمەڵی دادگەری کوردستان لە بازنەى سلێمانی
پەیامێکی بڵاوکردەوە و دەڵێت: لەلایەن خۆمەوە سوپاسی یەك بەیەکتان دەکەم لە پای
بانگەشە و متمانە و دەنگدانتان بە لیستی ٢٨٥ی کۆمەڵی دادگەری، من وەك کاندیدێك
ئەوەی توانیم و لەدەستم هات ئەنجامم دا،هەر چەند ئەنجامەکە بەدڵی ئێمە نیە بەڵام
سوپاس بۆ خوای گەورە کە بەدەنگەکانی ئێوە کۆمەڵ لە پەرلەمانی بەغداد دانابڕێت.
ناوبراو پیرۆزبایش لە ئەحمەد حاجی رشید دەکات و هیوای سەرکەوتنی بۆ دەخوازێت و
جەخت دەکاتەوە کە، کۆمەڵی دادگەری دەرفەتی باش لە بەردەمدایە بۆ ئەوەی قۆناغی
داهاتوو بکاتە قۆناغی بە خۆدا چونەوە و چاکسازیی لە هەرکەمتەرخەمی و هەڵەیەك.
هەروەها لە پەیامەکەیدا
دەڵێت: سوپاس کردنی خودای میهرەبان لەسەر هەرکارێکی جوان و چاك و پابەند بوون ی
زیاتر بە فەرمانەکانی و بانگ کردن ی خەڵک بۆی، وە خۆم بە بەرپرسیار دەزانم
لەئێستاو داهاتوو داواکارم لەخوای باڵا دەست پشتیوانمان بێ و بەرچاوڕوونیمان پێ
ببەخشێ و لە گوناهو کەمتەرخەمیمان خۆش بێت.