فاریس عیسا:ھەندێک لایەن لە عێراق نایانەوێت ھەرێم و بەغدا بگەنە رێککەوتن
07:33 - 30/08/2025
زەمەن پرێس:
سەرۆکی نوێنەرایەتی حکومەتی ھەرێمی کوردستان لە بەغداد دەڵێت: ھەندێک لایەن لە عێراق نایانەوێت ھەرێم و بەغدا بگەنە رێککەوتن، ئەوەش بووە ھۆی ئەوەی بە درۆن ھێرش بکرێتە سەر کێلگەکانی نەوتی ھەرێم.
فارس عیسا سەرۆکی نوێنەرایەتی حکومەتی ھەرێمی کوردستان لە بەغداد بۆ
سایتی (پارتی) رایگەیاتند:کێشەی ئێمە لە بەغداد کێشەی عەقلیەتە، گەیشتوونەتە ئەو
قەناعەتەی ھەرێمی کوردستان بەرەوپێش رۆیشتووەو متمانەیان بە وڵاتێکی دیموکراسی و
فیدراڵی نیە.
ئاماژەی بەوەشکردوە، حکومەتی ھەرێمی
کوردستان زۆر ھەوڵیداوە کێشەکانی ھەرێم نەگەنە بەغداد، بۆیە بۆ کشانەوەش پێویستە
ھەموو فراکسیۆنەکان پێکەوە بکشێنەوە نەک یەک فراکسیۆن.
فارس عیسا باسی لەوەشکرد، بۆ پرسی نەوت، پێشتر رێککەوتن لەنێوان ھەرێم
و بەغداد هەبووە بۆ ئەوەی رەشنوسێک ئامادەبکرێت و یاسای نەوت و غاز دەربچێت، عێراق
لێی پەشیمان بووەوە.
ناوبراو ئەوەى خستەروو، لە مانگی شەش بڕیار درا ئەو نەوتەی بەردەستە
لە سەرەتای مانگی حەوت رادەستی بەغداد بکرێت، ئێمەش بەغدامان ئاگادار کردەوە،
بەڵام عێراق وەری نەگرت، گوایە کێشەی تەکنیکی ھەیە، بۆیە جێگەی داخە عێراق مامەڵەی
جیا لەگەڵ ئێمە دەکەن.
سەرۆکی نوێنەرایەتی حکومەتی ھەرێمی
کوردستان لە بەغداد روونیکردەوە، ھەندێک
لایەن لە عێراق نایانەوێت ھەرێم و بەغدا بگەنە رێککەوتن، ئەوەش بووە ھۆی ئەوەی بە
درۆن ھێرش بکرێتە سەر کێلگەکانی نەوتی ھەرێم، بۆ ئەوەی کێشەکان ھەر وا بەردەوام بن.