17 عیراق

حەوت هەزار و 900 کەس بۆ هەڵبژاردنی پەرلەمانی عێراق خۆیان کاندید کردووە

07:08 - 02/07/2025

زەمەن پرێس:
بەرپرسێکی کۆمسیۆنی باڵای سەربەخۆی هەڵبژاردنەکانی عێراق ئاشکرای دەکات، نزیکەی حەوت هەزار و 900 کەس بۆ هەڵبژاردنی ئەنجومەنی نوێنەرانی عێراق خۆیان کاندید کردووە
عیماد جەمیل، سەرۆکی تیمی میدیایی کۆمسیۆنی باڵای سەربەخۆی هەڵبژاردنەکانی عێراق، رایگەیاند، "نزیکەی حەوت هەزار و 900 کەس بۆ هەڵبژاردنی ئەنجومەنی نوێنەرانی عێراق خۆیان کاندید کردووە و لە ماوەی دوو رۆژی داهاتوودا وردبینیی ناوەکانیان تەواودەبێت".
وتیشی، دوای تەواوبوونی پرۆسەی وردبینی، کۆمسیۆن ناوەکان بۆ پشکنینی شایستەیی رەوانەی لایەنە پەیوەندیدارەکان وەزارەتەکانی بەرگری، ناوخۆ، پەروەردە و خوێندنی باڵا، ئەنجومەنی باڵای دادوەری، دەستەی دەستپاکی، دەستەی لێپرسینەوە و دادپەروەری، بەڕێوەبەرایەتیی گشتیی بەڵگە و تاوان، لەگەڵ وەزارەتی ناوخۆی هەرێمی کوردستان و لایەنە پەیوەندیدارەکانی دیکەی هەرێمی کوردستان، دەکات".
ئاماژەى بەوەشکرد، لەسەر ئەو لایەنە پەیوەندیدارانە پێویستە لەماوەی 15 رۆژدا وەڵامی کۆمسیۆن بدەنەوە، دواتر ئەنجومەنی کۆمسیاران ناوی کاندیدەکان پەسەند دەکات.

سۆشیال میدیا

ڕۆژنامەی زەمەن