بەغدا ئەمڕۆ مووچەی چاودێری كۆمەڵایەتیش دابەشكرد
03:32 - 26/02/2026
زەمەن_هەواڵ
دەستەی مافەکانی خاوەن پێداویستییە تایبەتەکان
لە وەزارەتی کار و کاروباری کۆمەڵایەتی، ئەمڕۆ پێنجشەممە، خەرجکردنی مووچەی
"چاودێری هاوکاری بۆ مانگی شوباتی ساڵی ٢٠٢٦ ڕاگەیاند، کە زیاتر لە (٣٨٨) هەزار
سوودمەند لە بەغدا و پارێزگاکان دەگرێتەوە.
زیکرا عەبدولڕەحیم، سەرۆکی دەستەکە، لە ڕاگەیەندراوێکدا
کە ئاژانسی هەواڵی عێراقی (INA) وەریگرتووە، ڕایگەیاند: دەستەکە هەموو ڕێکارە تەکنیکی،
کارگێڕی و داراییەکانی تایبەت بە خەرجکردنی مووچەی مانگی شوباتی بۆ زیاتر لە (٣٨٨)
هەزار سوودمەند لە بەغدا و پارێزگاکان تەواو کردووە. ئاماژەی بەوەش کرد کە کۆی گشتی
بڕە پارەی خەرجکراو گەیشتووەتە زیاتر لە (٦٦) ملیار و (٨٤٠) ملیۆن دینار.
عەبدولڕەحیم داوای لە سوودمەندان کرد سەردانی
بنکەکانی وەرگرتنی پارەی ئەلیکترۆنی بکەن بۆ وەرگرتنی شایستە داراییەکانیان