سبەینێ كابینەی حكومەت لەهەولێر باس لە گفتوگۆی پێدانی موچەیەك دەكات
11:35 - 24/06/2025
زەمەن - ئابوری
سبەینێی چوارشەممە كابینەی حكومەت كۆدەبێتەوەو؛ دوو تەوەرى سەرەکیی گفتوگۆ دەکرێت.
بەپێی زانیاریەكان یەکێکیان
تایبەتە بە پێشکەشکردنى راپۆرتێک لەبارەى داهات و خەرجییەکانى هەرێمى کوردستان و پێشکەشکردنى
ئەگەر و چارەسەر و پێشهاتەکان و تەوەرەکەى دیکەیش تایبەتە بە کرێکاران.
لە کارنامەکەدا هاتوە کە لە بڕگەى یەکەمدا هەڵسەنگاندن بۆ بارودۆخى دارایی
ئێستاى هەرێمى کوردستان بەتایبەت موچەى موچەخۆران دەکرێت کە دوو مانگە وەزارەتى
دارایی فیدراڵ رایگرتوە و دوا هەوڵەکان بۆ چارەسەرکردنى ئەم بابەتە لەلایەن وەزیرى
داراییەوە بە راپۆرتێک پێشکەش دەکرێت و داهات و خەرجییەکانى ئێستا دەخرێنەڕو و ئەگەر
و چارەسەر و پێشهاتەکانیش دیاریدەکرێن.
لە تەوەرى دوەمیشدا وەزیرى کار و کاروبارى کۆمەڵایەتیی راپۆرتێک تایبەت بە
خانەنیشنى و دەستەبەرى کۆمەڵایەتیی کرێکاران لە هەرێمى کوردستان پێشکەش دەکات و
راسپاردە و پێشنیارەکانیش.