" مافی ڕەوای خۆمانەو دەستبەرداری وزەی ئەتۆم نابین"
11:15 - 16/06/2025
زەمەن - هەواڵەكان
پەرلەمانی ئێران
بەکارهێنانی وزەی ئەتۆم بە مافی رەوای وڵاتەکەی دەزانێت و دەڵێت، بۆ بەدیهێنانی ئەم
مافە، پێداگرین و ترسمان لە هیچ هێزێک نییە.
ئەمڕۆ دووشەممە،
16ـی 6ـی 2025، بە ئامادەبوونی مەسعود پزیشکیان، سەرۆک کۆماری ئێران لە پەرلەمانی
وڵاتەکە، متمانەدان بە عەلی مەدەنیزادە، وەکو وەزیری ئابووری و دارایی خرایە دەنگدانەوە.
مەسعود پزیشکیان
لە دەستپێکی دانیشتنەکەدا رایگەیاند: ''ئێمە مافی ئەوەمان هەیە لە وزەی ئەتۆم و توێژینەوە
زانستییەکان سوود وەربگرین، بۆیە هیچ کەسێک بۆی نییە ئەم مافە لە ئێمە وەربگرێتەوە''.
ئاماژەی بەوەشکرد،
''ئێمە بۆ بەدیهێنانی ئەم مافە، پێداگرین و لە هیچ هێزێک لە پێناو بەکارهێنانی وزەی
ئەتۆم ترسمان نییە.''
هەروەها رەخنەی
لە سیاسەتی واشنتن گرت و دەڵێت: ''ئەمریکا سەرقاڵی زۆردارییە و پێچەوانەی یاسا نێودەوڵەتییەکان،
رێگە دەدات ئیسرائیل دەستدرێژی و هێرش بکاتە سەر وڵاتەکەمان.''
ئاماژەی بەوەش
کرد، ''دەبێت وڵاتانی ئیسلامی یەک هەڵوێست بن و زۆردارییەکانی ئیسرائیل قبوڵ نەکەن،
چونکە ئاشکرایە رژێمی زایۆنی دەیەوێت یەک بە یەک وڵاتانی ئیسلامی بکاتە ئامانج.''