رۆژنامەی وۆڵ ستریت جۆرنەڵ: ئەو هێرشە ئاسمانییەی حەسەن نەسروڵای کوشت زۆر بەهێز بووە
02:06 - 29/09/2024
زەمەن - جیهانی
لەچاپی ئەمڕۆیدا رۆژنامەی وۆڵ ستریت جۆرنەڵ بڵاویكردەوە كە ئەو هێرشە ئاسمانییەی حەسەن نەسروڵای کوشت زۆر بەهێز بووە
ئیسرائیل بۆ کوشتنی حەسەن نەسروڵا هێرشێکی زۆر گەورە و توندی ئەنجامداوە. هیرشەکە لە ناوچەیەکی باشوری شاری بەیرووت بووە، خەڵکی ئەو دوروبەرە دەڵێن هێرشەکە زۆر گەورە بووە و یەک گەڕەکی بە تەواوی وێران کردووە. بەڵام ئامانجەکەی خۆی پێکاوە، کەسایەتییەکی ئاینی و سیاسیی کوشتووە، کە ماوەی 30 ساڵە سەرۆکایەتیی ئەو گروپە سیاسییە دەکات و کردوویەتی بە هێزێکی رێکخراوی فراوان. سەرەتا ئەوە روون نەبوو کە نەسروڵا کوژرابێت، بەڵام تەقینەوەکان بە شێوەیەک بوون ریزێک بینایان پێکەوە خاپورکردووە، کە حەسەن نەسروڵا لەژێر زەمینی یەکێکیاندا کۆبوونەوەی هەبووە، بارەگا سەرەکییەکانی حزبەکەشیان هەر لەژێر ئەو بینایانەدا بووە.