سەرما و باران بارین دەستپێدەکاتەوە
11:11 - 20/03/2023
زەمەن_هەرێمی کوردستان
بەپێی پێشبینییەکان، بارانبارین
بەشێوەیەکی زستانی و پچر پچر لەناوچە جیاجیاکاندا دەستپێدەکاتەوە.
ئاراس جەبار شارەزای کەشناسی
لە هەرێم رایگەیاند، سبەی سێشەمە ٢١-٣-٢٠٢٣ ئاسمانی ھەرێم بە زۆری دەگۆرێت بۆ ھەوری
تەواو و کەشێکی سارد ناوچەکانمان دەگرێتەوە کە پلەکانی گەرما بەراورد بە ئەمڕۆ ٤
تا ٥ پلەی سەدی نزمدەبنەوە ، لەکاتەکانی نیوەرۆ بەدواوە بارانبارین بەشێوەیەکی
زستانی و پچر پچر لەناوچە جیاجیاکاندا دەستپێدەکاتەوە کە زۆرترین رێژەی باران لەسەر
ناوچەکانی سنوری پارێزگای سلێمانی و ھەڵەبجە و ئیدارەی راپەرین ئەبێت.
ئاماژەی بەوەشکرد، لە
ئەنجامی کاریگەری ئەو بارستە ھەوا ساردەی ھەیە لە ناوچە شاخاویە بەرزەکاندا لەبەرزی زیاتر لە ٢٢٠٠ مەتر لە ئاستی
ڕووی دەریا بەفر بارین ئەبێت.