جێگری سەرۆکی هەرێم له‌گه‌ڵ وه‌فدێكی به‌ریتانی كۆبوه‌وه
03:05 - 07/12/2022
46 جار خوێندراوەتەوە
"زەمەن"
پێشنیوەڕۆی ئەمڕۆ
چوارشەممە، مستەفا سەید قادر، جێگری سەرۆکی هەرێمی کوردستان، لە ئۆفیسی سەرەکی خۆی
لە هەولێر، پێشوازی لە دەیڤید هەنت، کونسوڵی گشتی بەریتانیا و وەفدێکی یاوەریکرد.
لەو دیدارەدا کە کونسوڵی
گشتی بەریتانیا بەمەبەستی ماڵئاوایی و کۆتاییهاتنی ئەرکەکەی سەردانی جێگری سەرۆکی
هەرێمی کرد بوو، تێیدا باس لە بارودۆخی سیاسی و ئەمنی هەرێمی کوردستان و عێراق و
ناوچەکە کرا و پەیوەندییەکانی هەولێر و بەغداش خرایە بەرباس.
جێگری سەرۆکی هەرێم جەختی
لە گرنگی و پاراستنی هەرێمی کوردستان کردەوە و بە بایەخەوە باسی لە بوونی دیدێک و
ستراتیژێکی نیشتیمانی کرد.
لە درێژەی دیدارەکەدا،
جێگری سەرۆکی هەرێم بەڕاشکاوی تێڕوانینی خۆی سەبارەت بە دۆخی ناوخۆی هەرێم و گوزەرانی
خەڵک و چاکسازی لە حکومەت خستە ڕوو .
هەردولا هاوڕابوون لە
سەر گرنگی و پەرەپێدانی زیاتری پەیوەندییەکانی نێوانیان لەسەر ئاستی کەلتوری و سیاسی
و خوێندنی باڵا و ئابوری و بازرگانی و رەخساندنی زەمینەی زیاتر بۆ کۆمپانیاکانی بەریتانیا
بۆ کارکردن لە هەرێمی کوردستان.
لە کۆتاییدا جێگری سەرۆکی
هەرێم سوپاسی پشتیوانییەکانی بەریتانیا و وڵاتانی هاوپەیمانانی کرد لە پێناو سەقامگیری
هەرێمی کوردستان و هەوڵەکانیان بۆ نەهێشتنی ناکۆکی و جیاوازییەکانی نێوان لایەنە سیاسیەکان،
هەروەها باشتر کردنی پەیوەندیەکانی نێوان هەرێم و بەغدا،
کونسوڵی گشتی بەریتانیا
دوپاتیکردەوە کە ئەوان بەردەوام دەبن و ماندوو نابن لەو پێناوەدا.