ئاگادارى بۆ ئەو کەسانەى دەیانەوێت سەردانى ئێران بکەن
12:03 - 07/08/2022
زەمەن_هەرێمى کوردستان
دەروازەی نێودەوڵەتی
حاجی ئۆمەران رایگەیاند، ئەو کەسانەى دەیانەوێت بە ئۆتۆمبێلی تایبەتی خۆیان سەردانی ووڵاتی ئێران
بکەن، ئەمڕۆ و سبەینێ رێگەیان پێنادرێت.
لە راگەیەنراوێکدا کۆمەڵگای
دەروازەی نێودەوڵەتی حاجی ئۆمەران بڵاویکردەوە، ئەو گەشتیارانەی کە بە نیازن بە ئۆتۆمبێلی
تایبەتی خۆیان سەردانی ووڵاتی ئێران بکەن ، لە لایەن بەرپرسانی ناو گومرگی ئێرانەوە
ئاگادار کراون کە بە بۆنەی هاتنی مانگی
محرم بە تایبەتی لە رۆژانی( تاسوعاو عاشورا ) کە دەکاتە ڕۆژانی یەک شەممە و دووشەممە
ڕێکەوتی(٢٠٢٢/٨/٧ و ٢٠٢٢/٨/٨)، رێگەیان پێنادرێت.
ئاماژەى بەوەشکردووە، ئەو ریگەگرتنە
بەشێوەیەکى کاتییە تەنها بۆ ئەو دوو رۆژە و دواتر ئاسایی دەبێتەوە، بەڵام بێ ئۆتۆمبێلی تایبەتی خۆیان، لەو دوو
رۆژەشدا هاوڵاتیان دەتوانن گەشتی ئێران بکەن.