عیراق

سه‌در: عێراق پایته‌ختی شیعه‌گه‌رێتییه‌ و پێویسته‌ ئه‌وانی دیكه‌ بۆی بگه‌ڕێنه‌وه‌

06:23 - 04/08/2022 298 جار خوێندراوەتەوە

زه‌مه‌ن_عێراق

 

موقته‌دا سه‌در، رێبه‌ری ره‌وتی سه‌در، په‌یامێكی له‌ باره‌ی یه‌كڕیزی ناو ماڵی شیعه‌ بڵاوكرده‌وه‌ و رایگه‌یاند، عێراق پایته‌ختی شیعه‌گه‌رێتییه‌ و پێویسته‌ ئه‌وانی دیكه‌ بۆی بگه‌ڕێنه‌وه‌.

سه‌در له‌ په‌یامه‌كه‌یدا ده‌ڵێت، یه‌كڕیزی ناو ماڵی شیعه‌ پێویسته‌ له‌سه‌ر بنه‌مای روون و به‌ گوێره‌ی شه‌ریعه‌ت و خۆشه‌ویستی نیشتمان و بێزراندنی شوێنكه‌وته‌یی و چاكسازی راسته‌قینه‌ و نه‌هێشتنی گه‌نده‌ڵی و لێپرسینه‌وه‌ له‌ گه‌نده‌ڵكاران بێت.

هه‌روه‌ها نووسیویه‌تی: عێراق پایته‌ختی یه‌كه‌می شیعه‌گه‌رێتییه‌ و ئه‌مه‌ش مانای وایه‌ پێویسته‌ ئه‌وانی دیكه‌ بگه‌ڕێنه‌وه‌ بۆ عێراق، نه‌ك عێراق ببێته‌ پاشكۆی ئه‌وانی دیكه‌.

له‌ به‌شێكی دیكه‌ی په‌یامه‌كه‌یدا، سه‌در ستایشی حه‌شدی شه‌عبی كردووه‌ و رایگه‌یاندووه‌، حه‌شد له‌ بنه‌ماڵه‌ی سه‌در نزیكتره‌ و زۆرتر پابه‌ندن به‌ ته‌قلیدكردنی هه‌ردوو شه‌هیدی ئالی سه‌در.

سۆشیال میدیا

ڕۆژنامەی زەمەن