تەندروستی

بۆ خوێندکارانی پۆلی 12 گرنگترین ڤیتامین و کانزاکان بۆ بەهێزکردنی یادەوەری

04:19 - 25/06/2022 101 جار خوێندراوەتەوە

زەمەن _ تەندروستی

دکتۆر _ کامه‌ران رسوڵ ژاژڵه‌یی

 

سەرەتا خۆراکی تەندورست و شێوازی ژیانی دروست ڕۆڵێکی گەورەی هەیە لە بەهێزکردنی یادەوەری و تەرکیز کردن و ڕێگری کردن لەم پۆستە لە بیرچوونەوەتێشک ئەخەینە سەر گرنگترین ڤیتامین و تەواوکەری خۆراکی و کانزاکان کە یارمەتی زیادکردنی تەرکیز و یادەوەری و کەمکردنەوەی بیرچوونەوە ئەدەن:


١- کۆمەڵەی ڤیتامین ( B ) ەکان بە تایبەت:


_ڤیتامین ( B 6 ): ڕۆڵێکی گرنگی هەیە بۆ بەهێزکردنی یادەوەری و تەرکیز لە ڕێگای زیاتر ڕژاندنی دۆپامین و سیڕۆتۆنین کە هەر دووکیان بریتین لە گەینەری دەمار کە زانیاریەکان دەگواستنەوە بۆ مێشک ؛ سەرچاوەی خۆراک : سپێناخ ، مۆز ، گوڵەبەڕۆژە ، ماسی سەلموون و توونە ، گۆشتی مانگا و قەلەموون ، پەتاتەی شیرین.

 

_ڤیتامین ( B 12 ): زۆر بە سوودە بۆ مێشک و خوێن و زیادکردنی تەرکیز و بەهێزکردنی یادەوەری لە هەروەها کەمی دەبێتە هۆی کەمخوێنی ؛ سەرچاوەکانی خۆراک ؛ گۆشتی سوور و ماسی و بەرهەمەکانی شیر.

 

_ڤیتامین ( B9 ): کە بە فۆلیک ئەسید ناسراوە.

 

_ڤیتامین ( B 1 ) و ( B 2 ) : یادەوەری بەهێز دەکەن و گرنگن بۆ کۆئەندامی دەمار: سەرچاوەکانی خۆراک: دانەوێڵە تەواوەکان، گۆشت و جگەر، هێلکە، سەوزە گەڵاتۆخەکان وەک سپێناخ، سۆیا، شیر.


٢- ڤیتامین ( C ): دژە ئۆکسانێکی زۆر گرنگە، گرنگترین سەرچاوەکانی خۆراک: میوە مزرەمەنیەکان ، هەڵوژە ، شلیک ، بیبەر.

 

٣ -ڤیتامین ( E ): دژە ئۆکسانیکی زۆر بەهێزە، سەرچاوەکانی خۆراک: زەیتی ڕووەکی، چەرەس، ماسی، هێلکە و جگەر.

 

‌‌‌4- ڤیتامین ( D ): کەمی ڤیتامین هۆکاری سەرەکی شەکەت بوون و هیلاکی و تەشەنووجی ماسوولکەکان و تێک چوونی مەزاج و شت بیرچوونەوەیە، سەرچاوەی سەرەکی بریتی یە لە تیشکی خۆر لە نێوان سەعات دەی بەیانی بۆ چواری عەسر، لە خۆراکدا بڕێکی زۆر کەم هەیە بێجگە لە زەیتی جگەری نەهەنگ، ماسیە چەوریەکان وەک سەلموون و ماکڕوێل.

 

5- کۆلین: بە یەکێک لە کۆمەڵەی ڤیتامین ( B ) هەژمار دەکرێت و ڕۆڵێکی سەرەکی هەیە لە بەهێزکردنی یادەوەری و تەرکیز و چالاک کردنی مێشک، سەرچاوەکانی خۆراک: هێلکە ، جگەر وگۆشت، ماسی ناو دەریا، پاقلەمەنیەکان.

 

_گرنگترین تەواوکەرە خۆراکیەکان و کانزاکان:

١- کریاتین: یەکێکە لە ترشە ئەمینیە گرنگەکان.

 

٢- ئەنزیمی ( q 10).

 

٣- ئۆمێگا-3: گرنگن بۆ چالاک کردنی مێشک چونکە دەچنە پێکهاتووی خانەکانی مێشک و کۆئەندامی دەمارەوە.

 

٤- مەگنسیۆم: ڕۆڵێکی کارای هەیە بۆ باشتر کارکردنی کۆئەندامی دەمار و مێشک.

 

٥- ئاسن: گرنگە بۆ دروست کردنی گەینەرەی دەمارەکان.

 

٦- زنک: ڕۆڵێکی سەرەکی هەیە بۆ کارکردنی ڤیتامین ( B 6).

 

_کۆمەڵێک گژوگیا و تەواوکەری خۆراکی و دەرمان هەیە کە ڕێگری دەکەن لە شت بیرچوونەوە و بەهێزکردنی تەرکیز و توانای لەبەر کردن ، بەڵام پێویستە لە ژێر سەرپەرشتی پزیشکی پسپۆڕ و بۆ ماوەیەکی دیاریکراو بەکار بهێنرێت.


سۆشیال میدیا

ڕۆژنامەی زەمەن