کوردستان

وەزارەتى دارایی بڕیارێکى لەبارەى مووچە و داهاتەوه‌ دەرکرد

01:33 - 23/05/2022 1856 جار خوێندراوەتەوە

زەمەن_هەرێمى کوردستان


وه‌زارەتى دارایی و ئابووری هەرێم، بڕیاریدا لیژنه‌یه‌كی به‌دواداچوون بۆ كێشه‌ی داهات و خه‌رجییه‌كان له‌ سلێمانی و هه‌ڵه‌بجه‌ و  ڕاپه‌ڕین و گه‌رمیان پێكبهێنێت.


بەگوێرەى نوسراوێکى وەزارەتى دارایی و ئابورى هەرێم کە واژۆى شێخ جه‌ناب، وه‌زیری دارایی و ئابووری بەسەرەوەیە، ئاماژه‌ به‌وه‌ كراوه‌، له‌ژێر رۆشنایی كۆبوونه‌وه‌ی رۆژی 16/5/2022، تایبه‌ت به‌ كێشه‌ی داهات و خه‌رجییه‌كان له‌ پارێزگامانی سلێمانی و هه‌ڵه‌بجه‌ و هه‌ردوو ئیداره‌ی سه‌ربه‌خۆی گه‌رمیان و ڕاپه‌رین، له‌سه‌ر فه‌رمانی سه‌رۆكی ئه‌نجوومه‌نی وه‌زیران، بڕیاری دا به‌ پێكهێنانی لیژنه‌یه‌ك بۆ به‌دواداچوون له‌و بابه‌ته‌ و ئاماده‌كردنی ڕاپۆرت.

 

ئەوەش هاتووە، پێویسته‌ له‌سه‌ر گشت داموده‌زگاكانی حكومه‌ت هاوكاریی ته‌واوی لیژنه‌كه‌ بكه‌ن و داتا و زانیاریی پێویست بخه‌نه‌ به‌رده‌ست.

 

سۆشیال میدیا

ڕۆژنامەی زەمەن